ആരോപണങ്ങൾ വിഴുങ്ങി, എല്ലാവരോടും മാപ്പു പറഞ്ഞ്​ കെജ്​രിവാൾ 

ന്യൂഡൽഹി: ആരോപണങ്ങൾ ഉന്നയിച്ച്​ പുലിവാലു പിടിച്ച്​ ആംആദ്​മി പാർട്ടിയും ​അരവിന്ദ്​ ​െകജ്​രിവാളും. രാഷ്​ട്രീയ പാർട്ടികൾക്കും നേതാക്കൾക്കുമെതിരെ അഴിമതി ആരോപണങ്ങൾ ഉന്നയിച്ച്​ ​െവട്ടിലായിരിക്കുകയാണ്​ കെജ്​രിവാളും പാർട്ടിയും. ആരോപണങ്ങളെ തുടർന്നുണ്ടായ മാനനഷ്​ടക്കേസുകൾ ഒത്തു തിർക്കാനായി മാപ്പു പറയണമെന്നാണ്​ ഇവർക്ക്​ ലഭിച്ച നിയമോപദേശം.

ഇതി​​​െൻറ ഭാഗമായി മുൻ പഞ്ചാബ്​ മന്ത്രി ബിക്രം സിങ്​ മാജീതിയ​ക്കെതിരെ നടത്തിയ ആരോപണങ്ങൾ ഡൽഹി മുഖ്യമന്ത്രി അരവിന്ദ്​ കെജ്​രിവാൾ പിൻവലിച്ചു. മാജീതിയ പഞ്ചാബിലെ മയക്കുമരുന്ന്​ ലോബിയുടെ ഭാഗമാണെന്നായിരുന്നു കെജ്​രിവാളി​​​​െൻറ ആരോപണം. തുടർന്ന്​ കെജ്​രിവാളി​െനതിരെ മാജീതിയ മാനനഷ്​ടക്കേസും നൽകിയിരുന്നു. നിയമനടപടികളിൽ നിന്നൊഴിവാകാനാണ്​ മാജിതിയക്കെതിരായ പരാമർശം പിൻവലിച്ചത്​. 

ഇന്ത്യയുടെ വിവിധ ഭാഗങ്ങളിൽ കെജ്​രിവാളി​െനതി​െരയു​ം എ.എ.പിയിലെ മറ്റു നേതാക്കൾക്കെതിരെയും നിരവധി പരാതികളുണ്ട്​. വാരണാസി, അമേത്തി, പഞ്ചാബ്​, അസ്സം, മഹാരാഷ്​ട്ര, ഗോവ എന്നിവിടങ്ങളിലായി 12ലേറെ മാനനഷ്​ടക്കേസാണ്​ പാർട്ടി നേടിരുന്നത്​. 

കേന്ദ്ര ധനമന്ത്രി അരുൺ ​െജയ്​റ്റ്​ലി ഡൽഹി ക്രിക്കറ്റ്​ അസോസിയേഷൻ ഭരണത്തിലിരുന്ന 13 വർഷം അഴിമതി നടത്തി​െയന്ന്​ കെജ്​രിവാൾ ആരോപിച്ചിരുന്നു. ഇൗ വിഷയത്തിൽ ജെയ്​റ്റ്​ലിയോടും ഖേദപ്രകടനം നടത്തുമെന്നാണ്​ പാർട്ടി വൃത്തങ്ങൾ നൽകുന്ന സൂചന. 

പാർട്ടിയുടെ നിയമവൃത്തങ്ങളുടെ നിർദേശാനുസരണമാണ്​ ഖേദപ്രകടനം നടത്തി നിയമ നടപടികളിൽ നിന്ന്​ തലയൂരുന്നത്​. ഇന്ത്യയി​െല ഏറ്റവും അഴിമതി നിറഞ്ഞ രാഷ്​ട്രീയക്കാരൻ എന്ന്​ ആപ്പ്​ നേതാക്കൾ വിശേഷിപ്പിച്ച നിധിൻ ഗഡ്​കരി​െയയും കണ്ട്​ മാപ്പുപറയാനാണ്​ നേതാക്കളോട്​ പാർട്ടി ആവശ്യ​പ്പെട്ടിരിക്കുന്നത്​.