പരീക്ഷക്ക്​ കോപ്പി കൈമാറാൻ മതിൽചാടിക്കടന്ന്​ യുവാക്കൾ -video

യവത്​മൽ: പഠിച്ചില്ലെങ്കിലും പരീക്ഷ ജയിപ്പിക്കാൻ യുവാക്കൾ സഹായത്തിനെത്തും. മഹാരാഷ്​ട്രയിൽ പത്താംക്ലാസ്​ പര ീക്ഷയിൽ വിദ്യാർഥികൾക്ക്​ കോപ്പി നൽകാൻ മതിലിൽ കയറി നിൽക്കുന്ന ഒരുകൂട്ടം യുവാക്കളുടെ ദൃശ്യങ്ങൾ​ പുറത്തുവന്ന ു​.

മഹാരാഷ്​ട്രയിലെ യവത്​മൽ മഹാഗൺ സ്​കൂളിൻെറ മതിലിൽ ഒരുകൂട്ടം യുവാക്കൾ ചാടിക്കയറുന്നതും കോപ്പിയടിക്കാനുള്ള ചീട്ട്​ കൈമാറുന്നതുമായ ദൃശ്യങ്ങളാണ്​ വിഡിയോയിലുള്ളത്​. മതിലിൻെറ പണി പൂർത്തീകരിക്കാത്തതാണ്​ ഇതിന്​ കാര​ണമെന്നാണ്​ അധികൃതരുടെ വിശദീകരണം.

#WATCH Maharashtra: People seen climbing the boundary walls and providing chits to students, writing their class X Matriculation examination at Zila Parishad School, Mahagaon in Yavatmal district. (03.03.2020) pic.twitter.com/IqwC4tdhLQ

— ANI (@ANI) March 3, 2020

ചൊവ്വാഴ്​ച നടന്ന പത്താംക്ലാസ്​ പൊതുപരീക്ഷക്കിടെയാണ്​ സംഭവം. മതിലിൻെറ പണി പൂർത്തീകരിക്കാത്തതിനാൽ​ ഇത്തരത്തിലുള്ള പ്രശ്​നങ്ങൾ നേരിടുന്നു​ണ്ടെന്ന്​ പരീക്ഷ സ​െൻറർ കൺട്രോളർ എ.എസ്​. ചൗധരി പറഞ്ഞു. സ്​കൂളിൻെറ ചുറ്റുമതിൽ നിർമാണം​ പൂർത്തിയാക്കിയിട്ടില്ല. ഇതിനെ തുടർന്ന്​ നിരീക്ഷണം ശക്​തമാക്കാൻ പൊലീസിനോട്​ ആവ്യപ്പെട്ടിരുന്നതായും അദ്ദേഹം അറിയിച്ചു.