രാജ്യത്ത്​ 43,082 പേർക്ക്​ കൂടി കോവിഡ്​; രോഗബാധിതർ 93,09,788

ന്യൂഡൽഹി: രാജ്യത്ത്​ 24 മണിക്കൂറിനിടെ 43,082 പേർക്ക് കൂടി കോവിഡ്​ ബാധിച്ചു. ഇതോടെ ആകെ രോഗബാധിതരുടെ എണ്ണം 93,09,788 ആയി ഉയർന്നു. 492 പേർ കൂടി കോവിഡ്​ ബാധിച്ച്​ മരിച്ചു.

ഇതോടെ ആകെ മരണം 1,35,715 ആയി ഉയർന്നു. നിലവിൽ 4,55,555 പേരാണ്​ ചികിൽസയിലുള്ളത്​. 87,18,517പേർ ഇതുവരെ രോഗമുക്​തി നേടി. 39,379 പേരാണ്​ കഴിഞ്ഞ 24 മണിക്കൂറിനിടെ രോഗമുക്​തി നേടിയത്​. തുടർച്ചയായ 20ാം ദിവസമാണ്​ കോവിഡ്​ രോഗികളുടെ എണ്ണം 50,000ത്തിനും താഴെയാകുന്നത്​.

അതേസമയം, കോവിഡ്​ വാക്​സിൻ പരീക്ഷണങ്ങളിലും ഇന്ത്യ അതിവേഗം മുന്നോട്ട്​ പോവുകയാണ്​. വാക്​സിൻ വിതരണത്തെ കുറിച്ച്​ ചർച്ച ചെയ്യാൻ പുണെ, ഹൈദരാബാദ്​, അഹ്​മദാബാദ്​ എന്നിവിടങ്ങളിൽ പ്രധാനമന്ത്രി നരേന്ദ്ര മോദി സന്ദർശനം നടത്തും.