ഡൽഹിയിൽ മഞ്ഞുരുകുന്നു; മുഖ്യമന്ത്രി കെജ്രിവാൾ ലഫ്. ഗവർണറെ കണ്ടു

ന്യൂഡൽഹി: അ​ധി​കാ​ര ത​ർ​ക്ക​ത്തിൽ സുപ്രീംകോടതിയുടെ സുപ്രധാന വിധിക്ക് പിന്നാലെ ഡൽഹി മുഖ്യമന്ത്രി അരവിന്ദ് കെജ്രിവാൾ ലഫ്. ഗവർണർ അ​നി​ൽ ബൈ​ജാ​ലുമായി കൂടിക്കാഴ്ച നടത്തി. കെജ്രിവാൾ പിന്തുണ തേടി കത്തയച്ചതിന് പിന്നാലെയാണ് ഗവർണർ കൂടിക്കാഴ്ചക്ക് തയാറായത്. കെജ്രിവാളിനൊപ്പം ഉപമുഖ്യമന്ത്രി മ​നീ​ഷ്​ സി​സോ​ദി​യയും പങ്കെടുത്തു. 

കൂടിക്കാഴ്ചക്ക് പിന്നാലെ ഇക്കാര്യം വ്യക്തമാക്കി ലഫ്. ഗവർണർ ട്വീറ്റ് ചെയ്തു. മുഖ്യമന്ത്രി അരവിന്ദ് കെജ്രിവാൾ, ഉപമുഖ്യമന്ത്രി മ​നീ​ഷ്​ സി​സോ​ദി​യ എന്നിവരുമായി കൂടിക്കാഴ്ച നടത്തി. ഡൽഹിയുടെ വികസനത്തിനും സൽഭരണത്തിനും എല്ലാവിധ പിന്തുണയും സഹകരണവും ഭരണഘടനയുടെ അന്തസത്ത ഉയർത്തിപിടിച്ച് വാഗ്ദാനം ചെയ്തു എന്നായിരുന്നു ട്വീറ്റ്. 

പൊ​ലീ​സ്, ക്ര​മ​സ​മാ​ധാ​നം, ഭൂ​മി എ​ന്നീ വി​ഷ​യ​ങ്ങ​ളി​ൽ ഒ​ഴി​കെ സം​സ്​​ഥാ​ന മ​ന്ത്രി​സ​ഭ​യു​ടെ ഉ​പ​ദേ​ശ​ങ്ങ​ൾ​ക്ക്​ അ​നു​സൃ​ത​മാ​യി ല​ഫ്. ഗ​വ​ർ​ണ​ർ പ്ര​വ​ർ​ത്തി​ക്ക​ണമെന്ന് സുപ്രീംകോടതി കഴിഞ്ഞ ദിവസം പുറപ്പെടുവിച്ച വിധിയിൽ വ്യക്തമാക്കുന്നത്. എ​തി​ർ​പ്പു​ണ്ടെ​ങ്കി​ൽ പ​ര​സ്​​പ​രം ച​ർ​ച്ച​ ചെ​യ്യാം. വി​യോ​ജി​പ്പ്​ രാ​ഷ്​​ട്ര​പ​തി​യെ അ​റി​യി​ക്കാം.

അ​​വി​ടെ​ നി​ന്നു​ള്ള നി​ർ​ദേ​ശ​പ്ര​കാ​രം തു​ട​ർ​ന​ട​പ​ടി സ്വീ​ക​രി​ക്ക​ണം. ല​ഫ്. ഗ​വ​ർ​ണ​ർ യാ​ന്ത്രി​ക​മാ​യി പ്ര​വ​ർ​ത്തി​ക്ക​രു​ത്. മ​ന്ത്രി​സ​ഭ​യു​ടെ ഒാ​രോ തീ​രു​മാ​ന​ത്തി​ലും രാ​ഷ്​​ട്ര​പ​തി​യു​ടെ ഉ​പ​ദേ​ശം തേ​ടേ​ണ്ട​തി​ല്ലെന്നും സുപ്രീംകോടതി ചൂണ്ടിക്കാട്ടിയിരുന്നു.