ഉത്തർപ്രദേശി​െല വിജയം ഒന്നുമല്ല: ഗുജറാത്തിനായി കാത്തിരിക്കുന്നു- അമിത്​ ഷാ

സോമനാഥ്​:  ഉത്തർപ്രദേശിലെ തദ്ദേശ തെരഞ്ഞെടുപ്പിലെ ബി.ജെ.പിയുടെ വിജയം   വലിയ കാര്യമല്ലെന്നും ഗുജറാത്തിലെ ജയത്തിനായി കാത്തിരിക്കുകയാണെന്നും  ബി.ജെ.പി ദേശീയ അധ്യക്ഷന്‍ അമിത് ഷാ. ഉത്തർപ്രദേശിലെ തദ്ദേശഭരണ ​െതരഞ്ഞെടുപ്പിൽ 16 കോർപ്പറേഷനുകളിൽ 14 ഇടത്തും ബി.ജെ.പി വിജയിച്ചിരുന്നു. ഇൗ സാഹചര്യത്തിലാണ്​ ഗുജറാത്തിൽ വിജയം കാത്തിരിക്കുന്നുവെന്ന അമിത്​ ഷായുടെ പ്രതികരണം. 
ഉത്തർപ്രദേശിലെ തെരഞ്ഞെടുപ്പിൽ കോൺഗ്രസിന്​ ഒരു സീറ്റുപോലും ലഭിച്ചില്ല. എന്നാൽ പ്രധാനമന്ത്രി നരേന്ദ്ര മോദിയുടെയും മുഖ്യമന്ത്രി യോഗി ആദിത്യനാഥി​​െൻറയും നേതൃത്വത്തിൽ വൻ വിജയമാണ് ബി.ജെ.പി നേടിയിരിക്കുന്നത്​^ ഗിർ  സോമനാഥിൽ നടന്ന റാലിയിൽ അമിത് ഷാ പറഞ്ഞു.

കഴിഞ്ഞ മൂന്നുമാസമായി കോൺഗ്രസ് പറയുന്നത് ‘ കോൺഗ്രസ് വരുന്നുഗുജറാത്തിലേക്ക്​’ എന്നാണ്. എന്നാൽ ഇന്ന് ഉത്തർപ്രദേശിലെ ജനങ്ങൾ പറയുന്നത്​, ‘കോൺഗ്രസ് പോകുന്നു’ എന്നാണ്​. രാഹുൽ ഗാന്ധിയുടെ മണ്ഡലമായ അമേത്തിയിലെ സീറ്റുകളിൽ പോലും ബി.ജെ.പിയാണ് ജയിച്ചത്. ഗുജറാത്തിൽ ഈ മാസം 18ന് നടക്കുന്ന വോട്ടെണ്ണലിലും ബി.ജെ.പി വൻവിജയം നേടുമെന്നും 150 സീറ്റുകളുമായി സർക്കാർ രൂപീകരിക്കുമെന്നും അമിത്​ ഷാ കൂട്ടിച്ചേർത്തു. 

കഴിഞ്ഞ ദിവസം നടന്ന തദ്ദേശതെരഞ്ഞെടുപ്പിൽ 16 സീറ്റിൽ 14 എണ്ണം കോൺഗ്രസും രണ്ടിടത്ത് ബി.എസ്​.പിയും വിജയിച്ചിരുന്നു.