തീവ്രവാദികളുമായി ഏറ്റുമുട്ടൽ: സൈനികൻ കൊല്ലപ്പെട്ടു

ശ്രീനഗർ: ജമ്മുകശ്​മീരിലെ പുൽവാമയിൽ ​തീവ്രവാദികളുമായുണ്ടായ ഏറ്റുമുട്ടലിൽ സൈനികൻ കൊല്ലപ്പെട്ടു. തീവ്രവാദികൾ നടത്തിയ വെടിവെപ്പിനിടെ ഒരു സാധാരണക്കാരനും ജീവൻ നഷ്​ടമായിട്ടുണ്ട്​. ഞായറാഴ്​ച രാത്രിയോടെയാണ്​ തീവ്രവാദികളും സൈന്യവും തമ്മിൽ ഏറ്റുമുട്ടലുണ്ടായത്​.

ഇന്ത്യൻ സൈന്യത്തി​​​​െൻറ 50 രാഷ്​ട്രീയ റൈഫിൾസ്​ ക്യാമ്പിന്​ നേരെ തീവ്രവാദികൾ ഗ്രനേഡ്​ ഏറിയുകയായിരുന്നു. തുടർന്ന്​ സൈന്യത്തി​ന്​ നേരെ വെടിവെക്കുകയും ചെയ്​തു. ഇതിനെ പ്രതിരോധിക്കുന്നതിനിടെയാണ്​​ സൈനികന്​ ജീവൻ നഷ്​ടമായത്​. 

റമദാൻ മാസത്തിൽ ഗവർണർ പ്രഖ്യാപിച്ച വെടിനിർത്തലിന്​ ശേഷം ഇതാദ്യമായാണ്​ ഇത്രയും വലിയ ആക്രമണമുണ്ടാവുന്നത്​. സൈന്യത്തിന്​ നേരെ ആക്രമണമുണ്ടായാൽ പ്രതിരോധിക്കുമെന്നും സാധാരണക്കാരായ ജനങ്ങളുടെ ജീവൻ സംരക്ഷിക്കുമെന്നും അഭ്യന്തര മന്ത്രാലയ വൃത്തങ്ങൾ അറിയിച്ചു.