യു.പി ഗ്രാമത്തിൽ ​കോവിഡ്​ സാഹചര്യം റിപ്പോർട്ട്​ ​െചയ്യാനെത്തിയ മാധ്യമപ്രവർത്തകന് ബി.ജെ.പി ഗുണ്ടകളുടെ​ ക്രൂരമർദനം -വിഡിയോ

ലഖ്​നോ: ഉത്തർപ്രദേശിലെ ഗ്രാമത്തി​ൽ കോവിഡ്​ സാഹചര്യങ്ങൾ റിപ്പോർട്ട്​ ​െചയ്യാനെത്തിയ മാധ്യമപ്രവർത്തകന്​ ബി.ജെ.പി ഗുണ്ടകളുടെ ക്രൂരമർദനം. യു.പി ദുമിരിയഗഞ്ചിലെ ബെൻവ സാമൂഹിക ആരോഗ്യ കേന്ദ്രത്തിന്​ പുറത്താണ്​ സംഭവം.

പ്രദേശിക ചാനൽ പ്രവർത്തകനായ അമീൻ ഫാറൂഖിക്കാണ്​ ക്രൂരമർദനമേറ്റത്​. മർദനമേറ്റ ഇയാളെ പൊലീസ്​ സ്​റ്റേഷനിൽ തടഞ്ഞുവെച്ചിരുന്നു. എന്നാൽ അക്രമം നടത്തിയവരെ പിടികൂടാൻ പൊലീസ്​ തയാറായിട്ടില്ലെന്നും ആരോപണം ഉയർന്നു.

ഗ്രാമത്തിലെ കോവിഡ്​ വ്യാപനത്തിന്‍റെയും ലോക്​ഡൗണിന്‍റെയും യഥാർഥ ചിത്രങ്ങൾ റി​േപ്പാർട്ട്​ ചെയ്യാനെത്തിയതായിരുന്നു മാധ്യമപ്രവർത്തകൻ. തുടർന്ന്​ 20ഓളം ബി.ജെ.പി ഗുണ്ടകൾ സ്​ഥലത്തെത്തി മാധ്യമപ്രവർത്തകനെ ക്രൂരമായി അടിക്കുകയായിരുന്നു. സംഭവത്തിന്‍റെ വിഡിയോ പുറത്തുവന്നു. മാധ്യമപ്രവർത്തകനെ അടിക്കുന്നതും വലിച്ചിഴക്കുന്നതും വിഡിയോയിൽ കാണാം. ഒരു പൊലീസുകാരൻ സംഭവ സ്​ഥലത്തുണ്ടെങ്കിലും പേടിച്ച്​ മാറി നിൽക്കുന്നതും വിഡിയോയിൽ കാണാം.

അക്രമത്തിന്​ കാരണമുണ്ടാക്കിയത്​ മാധ്യമപ്രവർത്തകരാണെന്നായിരുന്നു ​സിദ്ധാർഥ്​നഗർ പൊലീസ്​ സൂപ്രണ്ടിന്‍റെ പ്രതികരണം. ബെൻവയി​ൽ 50 കിടക്കകൾ ഒരുക്കുന്നതിന്‍റെ ഉദ്​ഘാടനം നിർവഹിക്കാൻ മന്ത്രിയും എസ്​.ഡി.എമ്മും എത്തിയിരുന്നു. ഉദ്​ഘാടനം കഴിഞ്ഞ്​ മന്ത്രി തിരികെപോയതോടെ മാധ്യമപ്രവർത്തകരും ബി.ജെ.പി പ്രവർത്തകരും തമ്മിൽ വാ​ക്കേറ്റമുണ്ടാകുകയായിരുന്നു. മാധ്യമപ്രവർത്തകരാണ്​ അക്രമത്തിന്​ തുടക്കം കുറിച്ചതെന്നും അവർ പറഞ്ഞു. എന്നാൽ പൊലീസിന്‍റെ പ്രതികരണത്തിനെതിരെ പ്രതിഷേധവുമായി നെറ്റിസൻസ്​ ​രംഗത്തെത്തി.

സംഭവത്തിൽ പ്രതിഷേധവുമായി പ്രാദേശിക ചാനൽ മേധാവി ബ്രജേഷ്​ മിശ്ര രംഗത്തെത്തി. എം.എൽ.എയുടെയും എസ്​.ഡി.എമ്മിന്‍റെയും സാന്നിധ്യത്തിലായിരുന്നു അക്രമം. പ്രദേശ​ത്ത്​ ക്രമസമാധാന നില തകർന്നുവെന്നും അദ്ദേഹം പറഞ്ഞു.