ചിന്ത​ പോലും കുറ്റകൃത്യമാകുന്ന കാലമെന്ന് ജ​സ്റ്റി​സ് എ​സ്. മുരളീധർ; 'പൗ​രന്‍റെ ചി​ന്ത​യെ നി​യ​ന്ത്രി​ക്കാ​ൻ ആ​സൂ​ത്രിത​ ശ്ര​മ​ങ്ങ​ൾ ന​ട​ക്കു​ന്നു'

ന്യൂ​ഡ​ല്‍ഹി: ഇ​ന്ത്യ​യി​ൽ മൗ​ലി​ക സ്വാ​ത​ന്ത്ര്യ​ത്തെ അ​ടി​ച്ച​മ​ർ​ത്താ​നു​ള്ള പ്ര​വ​ണ​ത വ​ർ​ധി​ച്ചു​വ​രു​ന്ന​ത് ആ​ശ​ങ്കാ​ജ​ന​ക​മാ​ണെ​ന്ന് ഒ​റീ​സ ഹൈ​ക്കോ​ട​തി മു​ൻ ചീ​ഫ് ജ​സ്റ്റി​സും സു​പ്രീം​കോ​ട​തി മു​തി​ർ​ന്ന അ​ഭി​ഭാ​ഷ​ക​നു​മാ​യ ജ​സ്റ്റി​സ് എ​സ്. മു​ര​ളീ​ധ​ർ. ഇ​ന്ത്യ​ൻ സൊ​സൈ​റ്റി ഓ​ഫ് ഇ​ൻ​റ​ർ​നാ​ഷ​ന​ൽ ലോ ​വി.​കെ. കൃ​ഷ്ണ​മേ​നോ​ൻ ഭ​വ​നി​ൽ സം​ഘ​ടി​പ്പി​ച്ച നാ​ലാ​മ​ത് ജ​സ്റ്റി​സ് സ​ച്ചാ​ർ സ്മാ​ര​ക പ്ര​ഭാ​ഷ​ണം ന​ട​ത്തു​ക​യാ​യി​രു​ന്നു അ​ദ്ദേ​ഹം.

രാ​ജ്യ ച​രി​ത്ര​ത്തി​ൽ പൗ​ര​ന്റെ ചി​ന്ത​യെ നി​യ​ന്ത്രി​ക്കാ​ൻ ഏ​റ്റ​വും ആ​സൂ​ത്രി​മാ​യ ശ്ര​മ​ങ്ങ​ൾ ന​ട​ക്കു​ന്ന ഘ​ട്ട​ത്തി​ലൂ​ടെ​യാ​ണ് നാം ​ക​ട​ന്നു​പോ​കു​ന്ന​ത്. ചി​ന്ത​ക​ളു​ടെ​യും ആ​വി​ഷ്‌​കാ​ര​ത്തി​ന്റെ​യും സ്വാ​ത​ന്ത്ര്യ​ത്തെ അ​ടി​ച്ച​മ​ർ​ത്താ​നു​ള്ള ബോ​ധ​പൂ​ർ​വ​മാ​യ ശ്ര​മം ജ​നാ​ധി​പ​ത്യ​ത്തി​ന്റെ​യും നി​യ​മ​വാ​ഴ്ച​യു​ടെ​യും ഹൃ​ദ​യ​ത്തി​ലു​ണ്ടാ​വു​ന്ന മു​റി​വാ​ണ്.

‘അ​യി​ത്ത നി​ർ​മൂ​ല​ന മ​ഹാ​സം​ഘം’, ‘അ​യി​ത്ത വി​രു​ദ്ധ മു​ന്നേ​റ്റം’, ‘മ​നു​ഷ്യാ​വ​കാ​ശം’ തു​ട​ങ്ങി​യ പ​ദ​ങ്ങ​ൾ പേ​രു​ക​ളി​ൽ​നി​ന്ന് ഒ​ഴി​വാ​ക്ക​ണ​മെ​ന്ന് പൊ​തു​ട്ര​സ്റ്റു​ക​ൾ​ക്ക് മ​ഹാ​രാ​ഷ്ട്ര ചാ​രി​റ്റി ക​മീ​ഷ​ണ​ർ ന​ൽ​കി​യ നി​ർ​ദേ​ശം മും​ബൈ ​ഹൈ​കോ​ട​തി റ​ദ്ദാ​ക്കി​യ​ത് അ​ടു​ത്തി​ടെ​യാ​ണ്. ജ​നാ​ധി​പ​ത്യ​വ്യ​വ​സ്ഥ​യി​ൽ പൗ​ര​ന് ല​ഭ്യ​മാ​കേ​ണ്ട ചി​ന്ത​യു​ടെ​യും ആ​വി​ഷ്‌​കാ​ര​ത്തി​ന്റെ​യും സ്വാ​ത​ന്ത്ര്യ​ത്തെ​ക്കു​റി​ച്ച് സു​പ്ര​ധാ​ന ചോ​ദ്യ​ങ്ങ​ൾ ഉ​യ​ർ​ത്തു​ന്നു​ന്ന​താ​ണ് കേ​സി​ൽ കോ​ട​തി​യു​ടെ വി​ധി​പ്ര​സ്താ​വം.

ജോ​ർ​ജ് ഓ​ർ​വെ​ലി​ന്റെ ‘1984’ എ​ന്ന നോ​വ​ലി​ൽ ‘ചി​ന്താ​പ​ര​മാ​യ കു​റ്റ​കൃ​ത്യ​ങ്ങ​ൾ’ എ​ന്ന പ്ര​യോ​ഗ​മു​ണ്ട്. ഭ​ര​ണ​കൂ​ട​ങ്ങ​ൾ വി​യോ​ജി​പ്പു​ള്ള ആ​ശ​യ​ങ്ങ​ൾ പ്ര​ക​ടി​പ്പി​​ക്ക​പ്പെ​ടു​ന്ന​തി​നെ ത​ട​യു​ന്ന​താ​ണ് ഇ​തി​നാ​ധാ​രം. സ​മാ​ന​മാ​ണ് വ​ർ​ത്ത​മാ​ന കാ​ല​ത്തെ സാ​ഹ​ച​ര്യം. സ്വാ​ത​ന്ത്ര്യം, സ​മ​ത്വം, സ്വ​കാ​ര്യ​ത തു​ട​ങ്ങി​യ വാ​ക്കു​ക​ൾ ഭ​ര​ണ​കൂ​ട​ങ്ങ​ൾ ഭീ​ഷ​ണി​യാ​യി കാ​ണു​ക​യാ​ണ്.

ജ​സ്റ്റി​സ് സ​ച്ചാ​ർ ഒ​രി​ക്ക​ലും അ​ധി​കാ​ര​ത്തി​ന് മു​ന്നി​ൽ പ​ത​റി​യ ആ​ളാ​യി​രു​ന്നി​ല്ല. കോ​ട​തി​യി​ലെ വെ​ല്ലു​വി​ളി നി​റ​ഞ്ഞ സ​മ​യ​ങ്ങ​ളി​ൽ​പോ​ലും അ​ദ്ദേ​ഹ​ത്തി​ന്റെ ബോ​ധ്യ​വും ധൈ​ര്യ​വും മാ​തൃ​കാ​പ​ര​മാ​യി​രു​ന്നെ​ന്നും ജ​സ്‍റ്റി​സ് മു​ര​ളീ​ധ​ർ പ​റ​ഞ്ഞു.

പ്ര​ഫ​സ​ർ വി.​ജി. ഹെ​ഗ്‌​ഡെ (ഐ.​എ​സ്.​ഐ.​എ​ൽ എ​ക്‌​സി​ക്യു​ട്ടി​വ് പ്ര​സി​ഡ​ൻ​റ്), സു​പ്രീം​കോ​ട​തി മു​തി​ർ​ന്ന അ​ഭി​ഭാ​ഷ​ക​ൻ സ​ഞ്ജ​യ് പ​രീ​ഖ്, മ​നോ​ജ് കു​മാ​ർ സി​ൻ​ഹ (ഐ.​എ​സ്.​ഐ.​എ​ൽ പ്ര​സി​ഡ​ൻ​റ്), ന​രീ​ന്ദ​ർ സി​ങ് (ഐ.​എ​സ്.​ഐ.​എ​ൽ ജ​ന​റ​ൽ സെ​ക്ര​ട്ട​റി), ഡോ. ​ശ്രീ​നി​വാ​സ് ബു​റ എ​ന്നി​വ​ർ പ​രി​പാ​ടി​യി​ൽ പ​​ങ്കെ​ടു​ത്തു.