ഭാര്യയെ നിർബന്ധിച്ച് മൂത്രം കുടിപ്പിച്ചു; യുവാവ് അറസ്റ്റിൽ

ഭോപാൽ: ഭാര്യയെ നിർബന്ധിച്ച് മൂത്രം കുടിപ്പിക്കുകയും നിരന്തരം ശരീരിക പീഡനം നടത്തുകയും ചെയ്ത കേസിൽ യുവാവിനെ പൊലീസ് അറസ്റ്റ് ചെയ്തു. ഭാര്യയുടെ പരാതിയിലാണ് അറസ്റ്റ്. മധ്യപ്രദേശിലെ സെഹോറിലാണ് സംഭവം.

ഭർത്താവ് നിരന്തരം മർദ്ദിക്കുകയും ശാരീകപീഡനത്തിനിരയാക്കുകയും നിർബന്ധിച്ച് മൂത്രം കുടിപ്പിക്കുകയും ചെയ്തെന്ന് യുവതി പൊലീസിൽ നൽകിയ പരാതിയിൽ പറയുന്നു. ഒരിക്കൽ മണ്ണെണ്ണ ഒഴിച്ച് തീകൊളുത്താൻ പോലും ശ്രമിച്ചെന്നും പരാതിപ്പെടാൻ ആത്മാഭിമാനം ഭയന്ന് മുതിർന്നില്ലെന്നും യുവതി പറഞ്ഞു. നീതിക്കായി മുഖ്യമന്ത്രിയെ സമീപിക്കുമെന്നും അവർ പറഞ്ഞു.

അതേ സമയം, പരാതിയുടെ അടിസ്ഥാനത്തിൽ പ്രതിയെ അറസ്റ്റ് ചെയ്തതായി പൂജ രജ്പുത് പോലീസ് അറിയിച്ചു. ആദിവാസി യുവാവിന്‍റെ മുഖത്ത് മൂത്രമൊഴിച്ച കേസിൽ ബി.ജെ.പി പ്രവർത്തകൻ അറസ്റ്റിലായതിന് ദിവസങ്ങൾക്ക് ശേഷമാണ് പുതിയ സംഭവം സംസ്ഥാനത്ത് നാണക്കേടാകുന്നത്.