കോവിഷീൽഡ്​ വാക്​സിൻ ഡോസുകളുടെ ഇടവേളയിൽ അടിയന്തരമായി മാറ്റം വരുത്തേണ്ട സാഹചര്യമില്ലെന്ന്​ കേന്ദ്രം

ന്യൂഡൽഹി: സിറം ഇൻസ്​റ്റിറ്റ്യൂട്ട്​ നിർമിക്കുന്ന കോവിഷീൽഡ്​ വാക്​സി​െൻറ രണ്ട്​ ഡോസുകൾ തമ്മിലുള്ള ഇടവേളയിൽ അടിയന്തരമായി മാറ്റം വരുത്തേണ്ട സാഹചര്യമില്ലെന്ന്​ കേന്ദ്രസർക്കാർ. ഇന്ത്യൻ സാഹചര്യത്തിൽ ശാസ്​ത്രീയമായ പഠനങ്ങൾ നടത്തിയതിന്​ ശേഷം മാത്രമേ വാക്​സിൻ ഇടവേളയിൽ മാറ്റം വരുത്തുന്നതിനെ കുറിച്ച്​ ചിന്തിക്കുവെന്നും ​കേന്ദ്രം വ്യക്​തമാക്കി. വാക്​സി​െൻറ രണ്ട്​ ഡോസുകൾ തമ്മിലുള്ള ഇടവേള കുറക്കുന്നത്​ ഫലപ്രാപ്​തിവർധിപ്പിക്കുമെന്ന റിപ്പോർട്ടുകൾ കഴിഞ്ഞ ദിവസം പുറത്ത്​ വന്നിരുന്നു. ഇതിന്​ പിന്നാലെയാണ്​ കേന്ദ്രസർക്കാറി​െൻറ വിശദീകരണം.

വാക്​സിൻ ഡോസുകളുടെ ഇടവേളയിൽ ആശങ്കപ്പെടേണ്ട കാര്യമില്ലെന്ന്​ നീതി ആയോഗ്​ അംഗം വി.കെ പോൾ പറഞ്ഞു. അടിയന്തരമായി വാക്​സിൻ ഇടവേളയിൽ മാറ്റം വരുത്തില്ല. പരമാവധി ജനങ്ങൾക്ക്​ ഒരു ഡോസ്​ വാക്​സിനെങ്കിലും നൽകുകയെന്ന ലക്ഷ്യത്തോടെയാണ്​ ഇടവേള വർധിപ്പിച്ചത്​. ഇതുമൂലം നിരവധി പേർക്ക്​ വാക്​സി​െൻറ സംരക്ഷണം നൽകാനായെന്നും അദ്ദേഹം പറഞ്ഞു.

വാക്​സിൻ ഇടവേളയിൽ മാറ്റം വരുത്തുന്നത്​ വിദഗ്​ധരുടെ ഉപദേശം തേടിയതിന്​ ശേഷം മാത്രമായിരിക്കുമെന്നും അദ്ദേഹം കൂട്ടിച്ചേർത്തു. കോവിഷീൽഡ്​ വാക്​സി​െൻറ ഇടവേള വർധിപ്പിക്കുന്നത്​ വിപരീത ഫലമുണ്ടാക്കുമെന്ന്​ റിപ്പോർട്ടുകളുണ്ടായിരുന്നു. ഇതിന്​ പിന്നാലെയാണ്​ കേന്ദ്രസർക്കാറി​െൻറ വിശദീകരണം.