പാൽഘർ ആൾക്കൂട്ടക്കൊല: സുപ്രീംകോടതി മഹാരാഷ്​ട്ര സർക്കാറിനോട്​ റിപ്പോർട്ട്​ തേടി 

ന്യൂഡൽഹി: ​േലാക്​ഡൗണിനിടെ പാൽഘറിൽ സന്യാസിമാരുൾപ്പെടെ മൂന്ന് പേരെ ആൾക്കൂട്ടം ആക്രമിച്ച കൊലപ്പെടുത്തിയ സംഭവത്തിൽ മഹാരാഷ്​ട്ര സർക്കാറിൽ നിന്ന്​ റിപ്പോർട്ട്​ തേടി സുപ്രീംകോടതി.  ആക്രമണം നടത്തിയവർക്ക് എതിരെ മഹാരാഷ്​ട്ര പൊലീസ് എന്ത് നടപടിയാണ് എടുത്തതെന്നും രാജ്യവ്യാപകമായ ലോക്​ഡൗണിനിടെ നിയമം ലംഘിച്ച് അത്തരത്തിലൊരു ആൾക്കൂട്ടം രൂപപ്പെട്ടതെങ്ങനെയെന്നും കോടതി ചോദിച്ചു. ലോക്​ഡൗൺ നിയമങ്ങൾ ലംഘിച്ച്​ പാൽഘറിൽ ആളുകൾ സംഘം ചേരാൻ ഇടയായതിൽ പൊലീസി​​െൻറ പങ്ക്​ ​അന്വേഷിക്കണമെന്ന ഹരജിയിലാണ്​ കോടതി രൂക്ഷ വിമർശനമുന്നയിച്ചത്​. 

ജസ്റ്റിസുമാരായ അശോക് ഭൂഷൺ,  സഞ്ജീവ് ഖന്ന എന്നിവരടങ്ങിയ ബെഞ്ചാണ്​ ഹരജി പരിഗണിച്ചത്​. സന്ന്യാസിമാരുടെ കൊലപാതകങ്ങളിൽ സി.ബി.ഐ അന്വേഷണം വേണമെന്ന ഹരജി കോടതി അംഗീകരിച്ചില്ല.  സർക്കാർ നാലാഴ്​ചക്കകം തൽസ്ഥിതി റിപ്പോർട്ട്​  സമർപ്പിക്കണമെന്നും സുപ്രീംകോടതി ആവശ്യപ്പെട്ടു.  അന്വേഷണ റിപ്പോർട്ട്​ ലഭിച്ച ശേഷം ഹരജി വീണ്ടും പരിഗണിക്കുമെന്ന്​ ജസ്​റ്റിസ്​ അശോക്​ ഭൂഷൺ അറിയിച്ചു. 
 
ഏപ്രിൽ 16നാണ്​  മുംബൈയിൽ നിന്ന് പൂ​െനയിലേക്ക് പോകുകയായിരുന്ന രണ്ട്​ സന്യാസിമാരെയും വാഹനത്തി​​െൻറ ഡ്രൈവറെയു​ം പാൽഘറിൽ ജനക്കൂട്ടം കല്ലെറിഞ്ഞു കൊലപ്പെടുത്തിയത്.

സംഭവത്തിൽ സി.ബി.ഐ അന്വേഷണം വേണമെന്ന ഹരജിയിൽ ഹൈകോടതി മഹാരാഷ്​ട്ര സർക്കാരിൻെറ അഭിപ്രായം ആരാഞ്ഞിരുന്നു. നിലവിൽ സി.ഐ.ഡിയാണ്​ കേസന്വേഷിക്കുന്നത്​.