കോവിഡ്​ ഭേദമാക്കുന്ന മരുന്ന്​; നാല്​ മാസത്തെ വിൽപനയിലൂടെ പതഞ്​ജലി നേടിയത്​ 250 കോടി

ന്യൂഡൽഹി: കോവിഡ്​ ഭേദമാക്കുമെന്ന്​ അവകാശപ്പെട്ട്​ പതഞ്​ജലി പുറത്തിറക്കിയ സ്വാസ്രി കൊറോണിൽ കിറ്റി​​െൻറ വൻ വിൽപന നടന്നെന്ന്​ കണക്കുകൾ. 250 കോടിയുടെ മരുന്ന്​ വിറ്റുവെന്നാണ്​ കണക്കുകളിൽ നിന്ന്​ വ്യക്​തമാകുന്നത്​. നാല്​ മാസങ്ങൾക്ക്​ മുമ്പാണ്​ മരുന്ന്​ പുറത്തിറക്കിയത്​.

ഒക്​ടോബർ 18 വരെ മരുന്നി​െൻറ 25 ലക്ഷം യൂണിറ്റുകൾ ഇന്ത്യയിലും വിദേശത്തുമായി വിൽപന നടത്തി. ഓൺലൈനിലൂടെയും ഡയറക്​ട്​, ജനറൽ മാർക്കറ്റിങ്ങുകളിലൂടെയുമായിരുന്നു വിൽപന. ജൂൺ 23നാണ്​ കോവിഡ്​ ഭേദമാക്കുമെന്ന്​ അവകാശപ്പെട്ട്​ മരുന്ന്​ പുറത്തിറക്കിയത്​.

പരീക്ഷണങ്ങളൊന്നും നടത്താതെയായിരുന്നു മരുന്നി​െൻറ പുറത്തിറക്കൽ​. തുടർന്ന്​ മരുന്നി​െൻറ പരസ്യങ്ങൾക്ക്​ ആയുഷ്​ മന്ത്രാലയം നിയന്ത്രണം ഏർപ്പെടുത്തിയിരുന്നു. മരുന്ന്​ വിവാദമായപ്പോൾ കോവിഡ്​ മാറ്റാൻ കൊറോണിലിന്​ കഴിവില്ലെന്നും പ്രതിരോധ മരുന്ന്​ മാത്രമാ​ണതെന്നുമുള്ള വിശദീകരണവുമായി ബാബ രാംദേവ്​ രംഗത്തെത്തിയിരുന്നു.