രാജസ്​ഥാനിലെ ബി.ജെ.പി എം.എൽ.എ കോവിഡ്​ ബാധിച്ച്​ മരിച്ചു

ജയ്​പുർ: രാജസ്​ഥാൻ എം.എൽ.എയും ബി.ജെ.പി നേതാവുമായ കിരൺ മഹേശ്വരി കോവിഡ്​ ബാധിച്ച്​ മരിച്ചു. 59 വയസായിരുന്നു.

രാജ്​സാമന്ദ്​ മണ്ഡലത്തിൽനിന്നുള്ള എം.എൽ.എയാണ്​ ഇവർ. മൂന്നുതവണ ഇവർ മണ്ഡലത്തെ പ്രതിനിധീകരിച്ചു.

കോവിഡ്​ സ്​ഥിരീകരിച്ചതിനെ തുടർന്ന്​ കുറച്ചുദിവസങ്ങളായി മെദാന്ത ആശുപത്രിയിൽ ചികിത്സയിലായിരുന്നു. ഞായറാഴ്​ച രാ​ത്രിയോടെ മരണം സ്​ഥീരീകരിക്കുകയായിരുന്നു.

ലോക്​സഭ സ്​പീക്കർ ഓം ബിർള, മുഖ്യമ​ന്ത്രി അശോക്​ ഗെഹ്​ലോട്ട്​, നിയമസഭ ​സ്​​പീക്കർ സി.പി. ജോഷി, ബി.ജെ.പി സംസ്​ഥാന പ്രസിഡൻറ്​ സതീഷ്​ പൂനിയ, മുതിർന്ന നേതാക്കൾ തുടങ്ങിയവർ അനുശോചനം അറിയിച്ചു.