വ്യാജ ഏറ്റുമുട്ടൽ കേസ്​ വിചാരണ ചെയ്​ത ജഡ്​ജിയുടെ മരണം ദുരൂഹമെന്ന്​ ബന്ധുക്കൾ

ന്യൂഡൽഹി: സൊഹ്​റാബുദ്ദീൻ ശൈഖ്​ വ്യാജ ഏറ്റുമുട്ടൽ കേസി​​െൻറ വിചാരണ നടത്തിയ ജഡ്​ജിയുടെ മരണത്തിൽ ദുരൂഹത ചൂണ്ടിക്കാട്ടി മൂന്നു വർഷത്തിനു ശേഷം ബന്ധുക്കളുടെ വെളിപ്പെടുത്തൽ. മുംബൈ സി.ബി.​െഎ പ്രത്യേക കോടതി ജഡ്​ജി ബ്രിജ്​ഗോപാൽ ഹർകിഷൻ ലോയയുടെ (48) മരണത്തിലെ അസ്വാഭാവികതകൾ അക്കമിട്ടു നിരത്തുന്ന ബന്ധുമൊഴികൾ ‘കാരവൻ’ ഇംഗ്ലീഷ്​ മാസികയാണ്​ പുറത്തുവിട്ടത്​. 
ബി.ജെ.പി പ്രസിഡൻറും ഗുജറാത്ത്​ മുൻ​ ആഭ്യന്തര സഹമന്ത്രിയുമായ അമിത്​ഷാ പ്രധാന പ്രതികളിൽ ഒരാളായ കേസാണിത്​. ദുഃസ്വാധീനം ഉണ്ടാകുമെന്ന്​ കണ്ടതിനെ തുടർന്ന്​ സുപ്രീംകോടതി ഗുജറാത്തിൽനിന്ന്​ മഹാരാഷ്​ട്രയിലേക്ക്​ മാറ്റിയ കേസുമാണ്​​. ​

2014 ഡിസംബർ ഒന്നിനാണ്​ ബ്രിജ്​ഗോപാലി​​െൻറ മരണം. സഹ ജഡ്​ജിയായ സപ്​ന ജോഷിയുടെ മകളുടെ വിവാഹത്തിൽ പ​െങ്കടുക്കാൻ നാഗ്​പുരിലെത്തിയ അദ്ദേഹം ഹൃദയസ്​തംഭനം മൂലം മരിച്ചുവെന്നാണ്​ പറഞ്ഞിരുന്നത്​. എന്നാൽ, അദ്ദേഹത്തെ ആശുപത്രിയിൽ കൊണ്ടുപോയ രീതി​, പോസ്​റ്റുമോർട്ടം, മൃതദേഹം നാട്ടിലെത്തിച്ചത്​, മൃതദേഹത്തിൽ കണ്ട ചോരപ്പാടുകൾ എന്നിവയെല്ലാം ബന്ധുക്കളിൽ സംശയം ഉയർത്തുന്നു. അതേസമയം, ഭാര്യയും മക്കളും നിശ്ശബ്​ദത തുടരുകയാണ്​. 
നവംബർ 30ന്​ ബ്രിജ്​ഗോപാൽ നാഗ്​പുരിലെ രവിഭവൻ ഗവ. ​െഗസ്​റ്റ്​ ഹൗസിലാണ്​ മറ്റ്​ ഏതാനും ജഡ്​ജിമാർക്കൊപ്പം തങ്ങിയത്​. സുരക്ഷയും വാഹന സൗകര്യവുമുള്ള ​െഗസ്​റ്റ്​ ഹൗസിൽനിന്ന്​ അർധരാത്രിക്കു ശേഷം അദ്ദേഹത്തെ തൊട്ടടുത്ത ആശുപത്രിയിൽ കൊണ്ടു​േപായത്​ ഒാ​േട്ടാറിക്ഷയിലാണ്​. രണ്ടു കിലോമീറ്റർ ദൂരെയാണ്​ ഒാ​േട്ടാസ്​​റ്റാൻഡ്​. ആദ്യമെത്തിച്ച ആശുപത്രിയിൽ ഇ.സി.ജി സംവിധാനം കേടായതി​​െൻറ പേരിൽ മറ്റൊരു ആശുപത്രിയിലേക്കു മാറ്റി. അതിനെല്ലാമൊടുവിൽ ഡിസംബർ ഒന്നിനു രാവിലെ മരണവിവരം ബന്ധുക്കളെ അറിയിക്കുകയായിരുന്നു. 

പോസ്​റ്റുമോർട്ടം വേഗത്തിലാക്കാനും മൃതദേഹം സ്വദേശമായ ലാത്തൂരിൽ എത്തിക്കാനും പൊലീസിനേക്കാൾ ഇടപെട്ടത്​ ആർ.എസ്​.എസ്​ പ്രവർത്തകനായ ഇൗശ്വർ ബഹേതിയാണെന്ന്​ മരുമകൾ നൂപുർ ബാലപ്രസാദ്​ ബിയാനി ഒാർക്കുന്നു. വിവാഹത്തിൽ പ​െങ്കടുക്കാൻ ബ്രിജ്​ഗോപാലിനെ നിർബന്ധിച്ച സഹപ്രവർത്തകർ ആരും നാട്ടിലേക്ക് ചെന്നില്ല. ഡ്രൈവർ മാത്രമാണ്​ മൃതദേഹ​േ​ത്താടൊപ്പം ആംബുലൻസിൽ ഉണ്ടായിരുന്നത്​.
മൃതദേഹത്തിലും ഷർട്ടിലുമായി ഇടത്തെ തോൾ മുതൽ അരക്കെട്ടുവരെ ചോരപ്പാടുകൾ ഉണ്ടായിരുന്നു. തലക്ക്​ പരിക്കുണ്ടായിരുന്നു. കണ്ണട കഴുത്തിനു താഴെ മൃതദേഹത്തിന്​ അടിയിലാണ്​ കിടന്നത്​. പാൻറ്​സി​​െൻറ ബെൽറ്റ്​ വിപരീത ദിശയിലാണ്​ കെട്ടിയിരുന്നത്​. മരണസമയം രേഖകളിൽ പലവിധത്തിലാണ്​. പോസ്​റ്റ്​മോർട്ടം റിപ്പോർട്ട്​ ഒപ്പിട്ടു വാങ്ങിയത്​ ഒരു ബന്ധുവി​​െൻറ പേരുപറഞ്ഞാണ്​. എന്നാൽ, നാഗ്​പുരിൽ തങ്ങൾക്ക്​ അങ്ങനെയൊരു ബന്ധു ഇല്ലെന്ന്​ കുടുംബാംഗങ്ങൾ ആണയിടുന്നു. വീണ്ടും പോസ്​റ്റുമോർട്ടം നടത്തണമെന്ന ആവശ്യം ആരും ചെവി​െക്കാണ്ടില്ല. ‘അത്തരം ആളുകളിൽനിന്ന്​ സുരക്ഷിതനായി നിൽക്കുക’ എന്നൊരു എസ്​.എം.എസ്​ സന്ദേശം മൊബൈലിൽ ഉണ്ടായിരുന്നുവെന്നും മരുമകൾ ഒാർക്കുന്നു.
2012ലാണ്​ സൊഹ്​റാബുദ്ദീൻ ശൈഖ്​ ​ പൊലീസ്​ ഏറ്റുമുട്ടൽ കൊലക്കേസ്​ സുപ്രീംകോടതി ഗുജറാത്തിനു പുറത്തേക്ക്​ മാറ്റിയത്​. വിചാരണ തുടക്കം മുതൽ അവസാനം വരെ ഒരേ ജഡ്​ജി കേൾക്കണമെന്നും നിർദേശിച്ചിരുന്നു. അതിനു വിരുദ്ധമായി ആദ്യ ജഡ്​ജി ഉൽപതിനെ 2014ൽ സ്​ഥലംമാറ്റി. അമിത്​ ഷാ കോടതിയിൽ നേരിട്ട്​ ഹാജരാകണമെന്ന്​ കോടതി നിർദേശിച്ച തീയതിക്കു തലേന്നായിരുന്നു ഇത്​.  അമിത്​ ഷാ കോടതിയിൽ ഹാജരാകാത്തത്​ എന്തുകൊണ്ടാണെന്ന ചോദ്യം ജഡ്​ജി ബ്രിജ്​ഗോപാലും ഉന്നയിച്ചിരുന്നു.