മതപരിവർത്തനം: അലഹബാദ് ഹൈകോടതിയുടെ വിവാദ പരാമർശം സുപ്രീംകോടതി തള്ളി

ന്യൂ​ഡ​ൽ​ഹി: മ​ത​സ​മ്മേ​ള​ന​ങ്ങ​ളി​ല്‍ ന​ട​ക്കു​ന്ന മ​ത​പ​രി​വ​ര്‍ത്ത​ന​ങ്ങ​ള്‍ ത​ട​ഞ്ഞി​ല്ലെ​ങ്കി​ല്‍ ഇ​ന്ത്യ​യി​ലെ ന്യൂ​ന​പ​ക്ഷം ഒ​രു​നാ​ൾ ഭൂ​രി​പ​ക്ഷ​മാ​കു​മെ​ന്ന അ​ല​ഹ​ബാ​ദ് ഹൈ​കോ​ട​തി​യു​ടെ നി​രീ​ക്ഷ​ണം സു​പ്രീം​കോ​ട​തി ത​ള്ളി. ക്രി​സ്തു​മ​ത​ത്തി​ലേ​ക്ക് മാ​റി​യെ​ന്നാ​രോ​പി​ച്ച് യു.​പി പൊ​ലീ​സ്‌ കേ​സെ​ടു​ത്ത കൈ​ലാ​ഷി​ന് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡും ജ​സ്റ്റി​സ് മ​നോ​ജ് മി​ശ്ര​യും അ​ട​ങ്ങു​ന്ന ബെ​ഞ്ച് ജാ​മ്യം അ​നു​വ​ദി​ക്കു​ക​യും ചെ​യ്തു.

കൈ​ലാ​ഷി​ന്റെ ജാ​മ്യാ​പേ​ക്ഷ ത​ള്ളി​യാ​ണ് അ​ല​ഹ​ബാ​ദ് ഹൈ​കോ​ട​തി ക​ഴി​ഞ്ഞ മാ​സം ഈ ​വി​വാ​ദ നി​രീ​ക്ഷ​ണം ന​ട​ത്തി​യ​ത്. 2021ലെ ​മ​ത​പ​രി​വ​ര്‍ത്ത​ന നി​രോ​ധ​ന നി​യ​മ​പ്ര​കാ​ര​വും ത​ട്ടി​ക്കൊ​ണ്ടു​പോ​ക​ലി​നെ​തി​രെ​യു​മാ​ണ് കൈ​ലാ​ഷി​നെ​തി​രെ യു.​പി പൊ​ലീ​സ് കേ​സെ​ടു​ത്ത​ത്. 2023 മേ​യ് 21 മു​ത​ൽ പ്ര​തി ക​സ്റ്റ​ഡി​യി​ലാ​ണെ​ന്നും 2023 ജൂ​ലൈ 19ന് ​കേ​സി​ൽ കു​റ്റ​പ​ത്രം സ​മ​ർ​പ്പി​ച്ചി​ട്ടു​ണ്ടെ​ന്നും ചൂ​ണ്ടി​ക്കാ​ട്ടി സു​പ്രീം​കോ​ട​തി ജാ​മ്യം അ​നു​വ​ദി​ക്കു​ക​യാ​യി​രു​ന്നു. ഹൈകോടതി നടത്തിയ പൊതുവായ നിരീക്ഷണങ്ങൾക്ക് നിലവിലെ കേസിന്റെ വസ്തുതകളുമായി ഒരു ബന്ധവുമി​ല്ലെന്ന് കോടതി നിരീക്ഷിച്ചു.