തമിഴ്​നാട്ടിൽ 24 മണിക്കൂറിനിടെ 69 മരണം; രോഗബാധിതർ 3,965 

ചെന്നൈ: തമിഴ്​നാട്ടിൽ 24 മണിക്കൂറിനിടെ കോവിഡ്​ ബാധിച്ച്​ മരിച്ചത്​ 69 മരണം. പുതുതായി 3,965 പേർക്ക്​ രോഗം സ്​ഥിരീകരിച്ചു. ഇതുവരെ 1,34,226 പേർക്കാണ്​ സംസ്​ഥാനത്ത്​ രോഗം സ്​ഥിരീകരിച്ചതെന്ന്​ സംസ്​ഥാന ആരോഗ്യ വകുപ്പ്​ അറിയിച്ചു​. 

തമിഴ്​നാട്ടിൽ ഇതുവരെ 1,898 പേരാണ്​ കോവിഡ്​ ബാധിച്ച്​ മരിച്ചത്​. 46,410 പേർ ചികിത്സയിലുണ്ട്​. ഇന്നു മാത്രം 3591 പേർ രോഗമുക്തി നേടിയതായും ആരോഗ്യവകുപ്പ്​ അറിയിച്ചു. 

കേരളത്തിൽനിന്ന്​ തമിഴ്​നാട്ടിലെത്തിയ അഞ്ചുപേർക്ക്​ തമിഴ്​നാട്ടിൽ രോഗം സ്​ഥിരീകരിച്ചു. മഹാരാഷ്​ട്രക്ക്​ പുറമെ ഏറ്റവും കൂടുതൽ രോഗബാധിതരുള്ള സംസ്​ഥാനം തമിഴ്​നാടാണ്​. ചെന്നൈയിലാണ്​ ഏറ്റവും കൂടുതൽ രോഗബാധിതരുള്ളത്​.