യുവതിയെ ആദ്യ ഭർത്താവിന്‍റെ സഹോദരൻ ബലാത്സംഗം ചെയ്​തു; ക്രൂരത ഭർത്താവിന്‍റെയും മകളുടെയും സഹോദരിയുടെയും കൺമുന്നിൽ

ജയ്​പുർ: ഭർത്താവിന്‍റെ കൺമുന്നിൽവെച്ച്​ ആദ്യ ഭർത്താവിന്‍റെ സഹോദരൻ യുവതിയെ ബലാത്സംഗം ചെയ്​തു. രാജസ്​ഥാനിലെ ബാരൻ ജില്ലയിൽ തിങ്കളാഴ്ചയാണ്​​ സംഭവം.

ഭർത്താവിനും കുഞ്ഞിനും പ്രായപൂർത്തിയാകാത്ത സഹോദരിക്കുമൊപ്പം വീട്ടി​േലക്ക്​ മടങ്ങുന്നതിനിടെ യുവതിയെ ആദ്യ ഭർത്താവിന്‍റെ സഹോദരൻ വഴിയിൽ പതിയിരുന്ന്​ ആക്രമിക്കുകയായിരുന്നു. പ്രതിക്കൊപ്പം സുഹൃത്തുക്കളായ നാലുപേരുമുണ്ടായിരുന്നു.

പ്രതികൾ ചേർന്ന്​ നാലുപേരെയും സമീപ​ത്തെ വയലിലേക്ക്​ കൊണ്ടുപോയി. ശേഷം ഭർത്താവിനെ ആക്രമിക്കുകയും കൈയും കാലും കെട്ടിയിടുകയുമായിരുന്നു. പിന്നീട്​ ഭർത്താവിന്‍റെ മുന്നിലിട്ട്​ യുവതിയെ ബലാത്സംഗം ചെയ്​തതായി ഡി.എസ്​.പി യോഗേന്ദ്ര സിങ്​ പറഞ്ഞു.

ആക്രമണത്തിന്​ ശേഷം പ്രതികളും സുഹൃത്തുക്കളും സ്​ഥാലത്തുനിന്ന്​ കടന്നുകളയുകയായിരുന്നു. പിന്നീട്​ കുട്ടിയും സഹോദരിയും ചേർന്ന്​ യുവാവിനെയും യുവതിയെയും റോഡരികിൽ എത്തിച്ച്​ യാത്രക്കാരുടെ സഹായത്തോടെ ആശുപത്രിയിലെത്തിക്കുകയായിരുന്നു. യാത്രക്കാരാണ്​ വിവരം പൊലീസിനെ അറിയിച്ചത്​.

ഞായറാഴ്ച മുഖ്യപ്രതിയായ ആദ്യഭർത്താവിന്‍റെ സഹോദരനെയും രണ്ടു കൂട്ടാളികളെയും​ അറസ്റ്റ്​ ചെയ്​തതായി പൊലീസ്​ അറിയിച്ചു.

ആദ്യ വിവാഹത്തിൽ കുട്ടികളുണ്ടാകാത്തതിനെ തുടർന്ന്​ യുവതി ഭർത്താവിനെ ഉപേക്ഷിച്ച്​ മറ്റൊരു യുവാവിനെ ആചാരപ്രകാരം വിവാഹം കഴിക്കുകയുമായിരുന്നു.

കൂട്ടബലാത്സംഗ കുറ്റം ചുമത്തി പൊലീസ്​ അഞ്ചുപേർക്കെതിരെ​ കേസെടുത്തു. യുവതിയെ വൈദ്യ പരിശോധനക്ക്​ വിധേയമാക്കുകയും മൊഴി ​േരഖ​െപ്പടുത്തുകയും ചെയ്​തു.