വോട്ടിങ്​ മെഷീനെ കുറിച്ചായിരുന്നു യോഗമെങ്കിൽ പ​ങ്കെടുത്തേനെ -മായാവതി

ലഖ്​നോ: ഇലക്​ട്രോണിക്​ വോട്ടിങ്​ മെഷീനുകളെ കുറിച്ച്​ ചർച്ചചെയ്യാൻ പ്രധാനമന്ത്രി നരേന്ദ്രമോദി യോഗം വി ളിച്ചിരുന്നെങ്കിൽ താൻ പ​ങ്കെടുക്കുമായിരുന്നുവെന്ന്​ ബി.എസ്​.പി അധ്യക്ഷ മായാവതി. ജനങ്ങൾക്ക്​ വോട്ടിങ്​ യന്ത ്രങ്ങളിലുള്ള വിശ്വാസം കഴിഞ്ഞ ലോക്​സഭാ തെരഞ്ഞെടുപ്പിലൂടെ ഇല്ലാതായി. ബാലറ്റ്​ പേപ്പറിന്​ പകരം വോട്ടിങ്​ യന്ത്രങ്ങൾ ഉപയോഗിച്ച്​ തെരഞ്ഞെടുപ്പ്​ നടത്തുന്നത്​ ജനാധിപത്യത്തിനും ഭരണഘടനക്കുമെതിരായ ​ഭീഷണിയാണ്​. ഈ സാഹചര്യത്തിൽ പ്രധാനമന്ത്രി ഗൗരവകരമായ ഈ വിഷയത്തിലാണ്​ യോഗം വിളിക്കേണ്ടിയിരുന്നത്​, ‘ഒരു രാജ്യം ഒര​ു തെരഞ്ഞെടുപ്പ്​’ എന്ന വിഷയത്തിലല്ലെന്നും മായവതി പറഞ്ഞു.

ജനാധിപത്യ രാജ്യത്ത്​ തെരഞ്ഞെടുപ്പ്​ എന്നത്​ ഒരിക്കലും പ്രശ്​നമാകുന്നില്ല. കൂടാതെ ചെലവുകളുടേയോ പാഴ്​ച്ചെലവുകളുടെയോ കാഴ്​ചപ്പാടിലൂടെ തെരഞ്ഞെടുപ്പിനെ നോക്കാനുമാകില്ല. ‘ഒരു രാജ്യം ഒരു തെരഞ്ഞെടുപ്പ്’ എന്നത്​ രാജ്യം നേരിടുന്ന പ്രധാന വിഷയങ്ങളായ ദാരിദ്ര്യം, പണപ്പെരുപ്പം, തൊഴിലില്ലായ്​മ, വർധിച്ചു വരുന്ന അതിക്രമങ്ങൾ എന്നിവയെല്ലാം ഇല്ലാതാക്കു​െമന്നത്​ വെറും വ്യാമോഹം മാത്രമാണെന്നും മായാവതി ചൂണ്ടിക്കാട്ടി.
​
പ്രധാനമന്ത്രിയുടെ അധ്യക്ഷതയിൽ നടക്കുന്ന വിവിധ പാർട്ടി അധ്യക്ഷൻമാരുടെ യോഗത്തിൽ പ​ങ്കെടുക്കില്ലെന്ന്​ പശ്ചിമബംഗാൾ മുഖ്യമന്ത്രി മമത ബാനർജി, തെലങ്കാന മുഖ്യമന്ത്രി കെ. ചന്ദ്രശേഖര്‍ റാവു, ഡി.എം.കെ അധ്യക്ഷൻ എം.കെ സ്​റ്റാലിൻ, ടി.ഡി.പി അധ്യക്ഷൻ ചന്ദ്രബാബു നായിഡു എന്നിവർ​ അറിയിച്ചിരുന്നു.