ആർ.കെ പൊറ്റശ്ശേരി നിര്യാതനായി

കോഴിക്കോട്: പ്രശസ്ത ശിൽപിയും ദേശീയ അധ്യാപക അവാർഡ് ജേതാവുമായ ആർ.കെ പൊറ്റശ്ശേരി എന്ന രാ​ധാ​കൃ​ഷ്ണ​ൻ മാ​സ്​റ്റർ നിര്യാതനായി. കോ​ഴി​ക്കോ​ട് വെള്ളിമാടുകുന്ന് ജെ.ഡി.റ്റി ഇസ്ലാം ഹൈസ്കൂൾ അധ്യാപകനായിരുന്നു. സംസ്കാരം ഇന്ന് മൂന്ന് മണിക്ക് പൊറ്റശ്ശേരിയിൽ. 

പ​ഴ​യകാ​ല കോ​ൺ​ഗ്ര​സ്​ പ്ര​വ​ർ​ത്ത​ക​നാ​യി​രു​ന്ന പൊ​റ്റ​ശ്ശേ​രി​യി​ലെ പ​രേ​ത​നാ​യ കോ​പ്പു​ണ്ണി മാ​സ്​റ്റർ-പെ​ണ്ണു​ട്ടി ദ​മ്പ​തി​ക​ളു​ടെ നാ​ലു മ​ക്ക​ളി​ൽ ര​ണ്ടാ​മ​നാ​ണ് ആ​ർ.​കെ.​യെ​ന്ന രാ​ധാ​കൃ​ഷ്ണ​ൻ. ഗ്രാ​നൈ​റ്റിലും ടെ​റാക്കോ​ട്ടയിലുമുള്ള ശി​ൽ​പങ്ങളാണ് ആർ.കെയുടെ മാസ്റ്റർ പീസുകൾ. കൂടാതെ ചാർക്കോ​ളി​ലും അദ്ദേഹം ചി​ത്രം വരച്ചിരുന്നു. 'വി​ധേ​യ​ൻ' എ​ന്ന ടെ​റാ​ക്കോട്ട ശി​ൽ​പ​ത്തി​ന്​ 2006ൽ ​കേ​ര​ള ല​ളി​തക​ല അ​ക്കാദ​മി അ​വാ​ർ​ഡ് ല​ഭി​ച്ചു. ജെ.​ഡി.ടി ​ഇ​സ്​ലാം ഹൈ​സ്കൂ​ളി​ൽ ചി​ത്ര​ക​ലാ അ​ധ്യാ​പ​ക​നാ​യി​രി​ക്കെയാണ്​ 2010-11ൽ ​ദേ​ശീ​യ അ​ധ്യാ​പ​ക അ​വാ​ർ​ഡ് ആ​ർ.​കെ.​യെ തേ​ടി​യെ​ത്തി​യ​ത്.​ 

മ​ഹാ​ത്മ​ഗാ​ന്ധി, ശ്രീ​നാ​രാ​യ​ണ ഗു​രു, മു​ഹ​മ്മ​ദ് അ​ബ്​ദു​റ​ഹി​മാ​ൻ സാ​ഹി​ബ്, സ്വാ​മി വി​വേ​കാ​ന​ന്ദ​ൻ, ഇ​ന്ദി​ര​ഗാ​ന്ധി, ഇ.​എം.​എ​സ് ന​മ്പൂ​തി​രി​പ്പാ​ട്, സി.​എ​ച്ച്‌. മു​ഹ​മ്മ​ദ് കോ​യ, എ​സ്​.കെ. ​പൊ​​െറ്റ​ക്കാ​ട്ട്​, കെ.​പി.​ കേ​ശ​വ​മേ​നോ​ൻ, വൈ​ക്കം മു​ഹ​മ്മ​ദ് ബ​ഷീ​ർ, മ​ദ​ർ തെ​രേ​സ തു​ട​ങ്ങി​യ​വ​രു​ടെ ചി​ത്ര​ങ്ങ​ൾ ഗ്രാ​നൈ​റ്റി​​ൽ ഒരുക്കിയിട്ടുണ്ട്. 

ആ​ർ.​കെയു​ടെ ജ​ന്മ​നാ​ടാ​യ പൊ​റ്റ​ശ്ശേ​രി​യി​ൽ മു​ഹ​മ്മ​ദ് അ​ബ്​ദു​റ​ഹി​മാ​ൻ സാ​ഹി​ബി​​ന്‍റെ ഛായാചി​ത്രം അ​ദ്ദേ​ഹം മ​രി​ച്ചു വീ​ണ മ​ണ്ണി​ൽ സ്ഥാ​പി​ച്ചിട്ടുണ്ട്. എ​സ്.​കെ.​ പൊ​​െറ്റ​ക്കാ​ട്ടി​ന്‍റെ ഗ്രാ​നൈ​റ്റ് ചി​ത്രം മു​ക്ക​ത്ത് എ​സ്.​കെ.​യു​ടെ പാ​ർ​ക്കി​ലും പാ​ത്തു​മ്മ​യു​ടെ ആ​ടും മു​ഹ​മ്മ​ദ് ബ​ഷീ​റും വൈ​ക്കം മു​ഹ​മ്മ​ദ് ബ​ഷീ​റി​​ന്‍റെ മ്യൂ​സി​യ​ത്തി​ലും സ്ഥാ​പി​ച്ചി​ട്ടു​ണ്ട്. 

തി​രു​വ​ന​ന്ത​പു​രം ആ​ർ.​സി.​സി.​യി​ൽ ആ​ർ.​കെ ചി​കി​ത്സ​യി​ലാ​യി​രിക്കെ 15 ചി​ത്ര​ങ്ങ​ളു​ടെ പ്ര​ദ​ർ​ശ​നം സം​ഘ​ടി​പ്പി​ച്ച​ത് വാ​ർ​ത്തയായിരുന്നു. കാ​ൻ​സ​ർ രോ​ഗി​ക​ളു​ടെ മാ​ന​സി​ക വി​നോ​ദ​വും സ​ന്തോ​ഷ​വും ക​ളി​യാ​ടു​ന്ന ചി​ത്ര​ങ്ങ​ളുമാ​യാ​ണ് ആ​ർ.​കെ ​വ​ര​യി​ലൂ​ടെ വി​സ്മ​യ കാ​ഴ്ചയൊ​രു​ക്കി​യ​ത്.​

ചി​ത്ര​ക​ല​യി​ലും ശി​ൽ​പക​ല​യി​ലും മൂന്ന​ര പ​തി​റ്റാ​ണ്ടു​ക​ൾ പി​ന്നി​ട്ട അ​ർ.​കെ സി​നി​മാ​ രം​ഗ​ത്തും നി​റ​സാ​ന്നി​ധ്യ​മാ​യി​രു​ന്നു.​ 'ക​ഥ പ​റ​യു​ന്ന മു​ക്കം' എ​ന്ന ഡോ​ക്യുമെ​ന്‍ററിയു​ടെ തി​ര​ക്ക​ഥ​യും ഗ്രെ​യ്സ് പാ​ലി​യേ​റ്റി​വി​ന് വേ​ണ്ടി 'സാ​മ പ​ർ​വ്വ' എ​ന്ന ഡോ​ക്യു​ഫി​ഷ​​ന്‍റെ തി​ര​ക്ക​ഥ​യും സം​വി​ധാ​ന​വും അദ്ദേഹം നി​ർ​വ​ഹി​ച്ചു. ഭാര്യ ജനനി. മക്കൾ: ആരതി, പരേതനായ അരുൺ.