ഇൻഡക്ഷൻ കുക്കറിൽ നിന്നും ഷോക്കേറ്റ് വിദ്യാർഥിനി മരിച്ചു 

ചിറ്റാർ: ഇൻഡക്ഷൻ കുക്കറിൽ നിന്നും ഷോക്കേറ്റ് വിദ്യാർഥിനി മരിച്ചു. സീതത്തോട്‌ വാലുപാറയിൽ കൊമ്പനോലിൽ രാജ​​െൻറയും  ശ്യാമളയുടെയും ഇളയ മകൾ രേഷ്​മ ആണ് മരിച്ചത്. 18 വയസായിരുന്നു.

തിങ്കളാഴ്ച രാവിലെ 11.30നാണ് അപകടം. ഈ സമയത്ത്​ രേഷ്​മ മാത്രമേ വീട്ടിൽ ഉണ്ടായിരുന്നുള്ളു. റേഷൻ സാധനങ്ങൾ വാങ്ങി തിരികെ വീട്ടിൽ എത്തിയ അമ്മ ശ്യാമള രേഷ്​മയെ വിളിച്ചിട്ടും വിളി കേൾക്കാത്തതിനാൽ വീടി​​െൻറ പുറകുവശത്തെ വാതിൽ തുറന്ന് അകത്തു കയറി നോക്കിയപ്പോൾ മകൾ വീണുകിടക്കുന്നതാണ്​ കാണുന്നത്. ശരീരം മുഴുവൻ പൊള്ളലേറ്റ നിലയിലായിരുന്നു മൃതദേഹം.

സീതത്തോട് കെ.ആർ.പി.എം ഹയർ സെക്കൻഡറി സ്കൂളിലെ പ്ലസ് ടു വിദ്യാർഥിനിയാണ്. ഏക സഹോദരി രേഖാരാജ്. സംസ്കാരം പിന്നീട്.