പി.വി അൻവറിന് ജനപ്രതിനിധിയുടെ പക്വതയില്ലെന്ന് സി.പി.ഐ വിമർശനം

മലപ്പുറം: പി.വി. അൻവർ എം.എൽ.എക്കെതിരെ സി.പി.ഐ മലപ്പുറം ജില്ല എക്സിക്യൂട്ടിവ് യോഗത്തിൽ രൂക്ഷവിമർശനം. മുന്നണിമര്യാദക്ക് നിരക്കാത്ത പ്രവർത്തനങ്ങളും പ്രസ്താവനകളുമാണ് അൻവറിൽ നിന്നുണ്ടാവുന്നതെന്ന് പ്രതിനിധികൾ അഭിപ്രായപ്പെട്ടു.

വയനാട്ടിലെ എൽ.ഡി.എഫ് സ്ഥാനാർഥി പി.പി. സുനീറിനെ ക്വാറിമാഫിയയുടെ ആളായി ചിത്രീകരിച്ചതിനെതിരെ മാനനഷ്​ടത്തിന് കേസ് നൽകണം. ജനപ്രതിനിധിയുടെ പക്വത അൻവറിൽ നിന്നുണ്ടാകുന്നില്ല. പരസ്യപ്രതികരണം വേണമെന്നും സംസ്ഥാന കൗൺസിലി​​െൻറ അഭിപ്രായം തേടാമെന്നും യോഗത്തിൽ പങ്കെടുത്തവർ നിർദേശം മുന്നോട്ടുവെച്ചു.

അതേസമയം, അൻവറി​​െൻറ പ്രസ്താവനകളെക്കുറിച്ച് സി.പി.എംതന്നെ നിലപാട് വ്യക്തമാക്കിയ സ്ഥിതിക്ക് വിഷയവുമായി മുന്നോട്ടുപോകാൻ ഉദ്ദേശിക്കുന്നില്ലെന്ന് സി.പി.ഐ ജില്ല സെക്രട്ടറി പി.കെ കൃഷ്ണദാസ്. ഇതുസംബന്ധിച്ച ചർച്ച ജില്ല എക്സിക്യൂട്ടിവ് യോഗത്തിലുണ്ടാവുക സ്വാഭാവികം. അൻവർ പ്രകടിപ്പിച്ചത് സ്വന്തം അഭിപ്രായങ്ങളാണെന്നും സി.പി.എമ്മി​േൻറതല്ലെന്നും ഇതിനകം വ്യക്തമായിട്ടുണ്ടെന്നും കൃഷ്ണദാസ് കൂട്ടിച്ചേർത്തു.