ഹജ്ജ്: നെടുമ്പാശ്ശേരിയിൽനിന്ന്​ യാത്രയായത് 1152 വനിതകൾ

നെടുമ്പാശ്ശേരി: ഹജ്ജ് തീർഥാടനത്തിന്​ മൂന്ന് വിമാനത്തിലായി നെടുമ്പാശ്ശേരിയിൽനിന്ന്​ ശനിയാഴ്​ച യാത്രയായത് 1152 വനിതകൾ. ഇതിൽ 1084 പേർ മെഹ്റം ഇല്ലാതെ യാത്ര തിരിച്ചവരാണ്. ഈ വിമാനങ്ങളിൽ 410 പേർ വീതം ആകെ 1230 പേരാണ് ഉണ്ടായിരുന്നത്. രാവിലെ 7.55നും 9.55നും രാത്രി 10.55നുമാണ് വിമാനങ്ങൾ പുറപ്പെട്ടത്. ഈ വർഷത്തെ ഹജ്ജിന്​ മെഹ്റം ഇല്ലാതെ ഇന്ത്യയിൽനിന്നും യാത്ര തിരിക്കുന്ന 1308 പേരിൽ 1124 പേരും കേരളത്തിൽ നിന്നാണ്.

ഇവർക്ക് മക്കയിലും മദീനയിലും ഒരു കെട്ടിടത്തിൽതന്നെ താമസ സൗകര്യവും ഒരുക്കും. മിനയിലെ ട​​െൻറുകളിലും ഇവർ ഒരുമിച്ചായിരിക്കും താമസിക്കുക. കേരളത്തിൽനിന്ന്​ പുറപ്പെട്ടിട്ടുള്ള വനിത വളൻറിയർമാരുടെ സേവനവും ഇവർക്ക് ലഭ്യമാക്കും. ഇതുകൂടാതെ, തീർഥാടകരുമായി ഒരു വിമാനംകൂടി ശനിയാഴ്​ച യാത്ര തിരിച്ചിട്ടുണ്ട്. വെള്ളക്കെട്ടുമൂലം വ്യാഴാഴ്ച വിമാനത്താവള റൺ​േവയുടെ പ്രവർത്തനം ഭാഗികമായി തടസ്സപ്പെട്ടതുമൂലം യാത്ര മുടങ്ങിയ തീർഥാടകരാണ് ശനിയാഴ്​ച രാവിലെ 8.45ന്​ പുറപ്പെട്ട വിമാനത്തിൽ യാത്ര തിരിച്ചത്.