കരുവന്നൂർ: റബ്കോ എം.ഡിയെ ഇ.​ഡി വീണ്ടും ചോദ്യം ചെയ്തു

കൊ​ച്ചി: ക​രു​വ​ന്നൂ​ർ ബാ​ങ്ക് ത​ട്ടി​പ്പ് കേ​സു​മാ​യി ബ​ന്ധ​പ്പെ​ട്ട ചോ​ദ്യം ചെ​യ്യ​ലി​ന്​ റ​ബ്കോ എം.​ഡി ര​ണ്ടാം ദി​വ​സ​വും എം​ഫോ​ഴ്​​സ്​​മെ​ന്‍റ്​ ഡ​യ​റ​ക്ട​റേ​റ്റി​ൽ​ (ഇ.​ഡി) ഹാ​ജ​രാ​യി. വ്യാ​ഴാ​ഴ്ച ഇ​​ദ്ദേ​ഹ​ത്തെ​യ​ട​ക്കം അ​ഞ്ച്​ പേ​രെ​യാ​ണ്​ ചോ​ദ്യം ചെ​യ്ത​ത്. ബാ​ങ്കും റ​ബ്കോ​യും ത​മ്മി​ൽ ന​ട​ത്തി​യ ചി​ല ഇ​ട​പാ​ടു​ക​ളി​ൽ വ്യ​ക്​​ത​ത വ​രു​ത്താ​നാ​ണ്​ മാ​നേ​ജി​ങ്​ ഡ​യ​റ​ക്ട​ർ പി.​വി. ഹ​രി​ദാ​സ​നെ വി​ളി​പ്പി​ച്ച​ത്. ബു​ധ​നാ​ഴ്​​ച​യും ഹ​രി​ദാ​സ​നെ ചോ​ദ്യം ചെ​യ്തി​രു​ന്നു. റ​ബ്കോ​യും ക​രു​വ​ന്നൂ​ര്‍ ബാ​ങ്കും ത​മ്മി​ലെ സാ​മ്പ​ത്തി​ക ഇ​ട​പാ​ടു​ക​ളു​ടെ പ​ത്ത് വ​ര്‍ഷ​ത്തെ രേ​ഖ​ക​ളു​മാ​യി ഹാ​ജ​രാ​കാ​നാ​യി​രു​ന്നു നി​ർ​ദേ​ശ​മെ​ങ്കി​ലും മു​ഴു​വ​ൻ വി​വ​ര​ങ്ങ​ളും ന​ൽ​കി​യി​ല്ല. കൂ​ടു​ത​ൽ വി​വ​ര​ങ്ങ​ൾ ആ​വ​​ശ്യ​മെ​ങ്കി​ൽ ന​ൽ​കു​മെ​ന്നും ഓ​ൺ​ലൈ​നി​ൽ വി​വ​രം ല​ഭ്യ​മാ​ക്കാ​ൻ ന​ട​പ​ടി​യെ​ടു​ത്തി​ട്ടു​ണ്ടെ​ന്നും ഹ​രി​ദാ​സ​ൻ പ്ര​തി​ക​രി​ച്ചു.

റ​ബ്കോ ഉ​ൽ​പ​ന്ന​ങ്ങ​ൾ ക​രു​വ​ന്നൂ​ർ ബാ​ങ്കു​വ​ഴി വി​ൽ​പ​ന ന​ട​ത്തി​യ​തി​ന്‍റെ അ​ടി​സ്ഥാ​ന​ത്തി​ൽ അ​തി​ന്‍റെ വി​ശ​ദാം​ശ​ങ്ങ​ളാ​ണ് തേ​ടി​യ​ത്. റ​ബ്കോ​യെ സ​ഹാ​യി​ക്കാ​നാ​യി ക​രു​വ​ന്നൂ​ർ ബാ​ങ്ക് ന​ൽ​കി​യ 7.57 കോ​ടി​ക്കു പു​റ​മേ, വ്യാ​പാ​ര ഇ​ന​ത്തി​ൽ ബാ​ങ്കി​ന് 9.79 കോ​ടി​യും തി​രി​കെ ന​ൽ​കാ​നു​ണ്ട്. റ​ബ്കോ​യി​ൽ​നി​ന്ന്​ ബാ​ങ്ക്​ വാ​ങ്ങി​യ ഉ​ൽ​പ​ന്ന​ങ്ങ​ളി​ൽ വി​റ്റ​ഴി​ക്കാ​നാ​കാ​ത്ത വി​ധം കേ​ടാ​യ​വ​യു​ടെ വി​ല​യാ​ണ്​ 9.79 കോ​ടി. എ​ന്നാ​ൽ, ബാ​ങ്കി​ന്‍റെ വ്യാ​പാ​ര വീ​ഴ്ച​യാ​യി കാ​ട്ടി റ​ബ്കോ ഈ ​തു​ക ന​ൽ​കാ​ൻ ത​യാ​റാ​യി​ല്ല. ബാ​ങ്കാ​ക​ട്ടെ ഈ ​തു​ക തി​രി​ച്ചു പി​ടി​ക്കാ​ൻ ന​ട​പ​ടി​യെ​ടു​ത്തു​മി​ല്ല.

ജീ​വ​ന​ക്കാ​ർ​ക്ക്​ 15 ശ​ത​മാ​നം ക​മീ​ഷ​ൻ ന​ൽ​കി രൊ​ക്കം തു​ക​ക്കാ​ണ്​ റ​ബ്​​കോ കോ​ടി​ക​ളു​ടെ ഇ​ട​പാ​ട്​ ബാ​ങ്കു​മാ​യി ന​ട​ത്തി​യി​രു​ന്ന​ത്. കേ​സി​​ലെ ഒ​ന്നാം പ്ര​തി പി. ​സ​തീ​ഷ്കു​മാ​റി​ന്‍റെ സ​ഹോ​ദ​ര​ൻ പി. ​ശ്രീ​ജി​ത്ത്, കേ​സി​ലെ സാ​ക്ഷി​ക​ൾ​ക്കെ​തി​രെ വ​ധ​ഭീ​ഷ​ണി മു​ഴ​ക്കി​യെ​ന്ന ആ​രോ​പ​ണം നേ​രി​ടു​ന്ന വ​ട​ക്കാ​ഞ്ചേ​രി ന​ഗ​ര​സ​ഭ സി.​പി.​എം. കൗ​ൺ​സി​ല​ർ മ​ധു അ​മ്പ​ല​പു​രം, കു​റ്റ​കൃ​ത്യം ന​ട​ക്കു​മ്പോ​ൾ ഇ​രി​ങ്ങാ​ല​ക്കു​ട ഡി​വൈ.​എ​സ്.​പി യാ​യി​രു​ന്ന ഫെ​യ്മ​സ്​ വ​ർ​ഗീ​സ്, ക​ള്ള​പ്പ​ണം ഉ​പ​യോ​ഗി​ച്ച്​ പ്ര​തി​ക​ൾ വ​ൻ​തോ​തി​ൽ സ്വ​ർ​ണം വാ​ങ്ങി​യ ജ്വ​ല്ല​റി​യു​ടെ ഉ​ട​മ സു​നി​ൽ​കു​മാ​ർ എ​ന്നി​വ​രെ​യും വ്യാ​ഴാ​ഴ്ച ചോ​ദ്യം ചെ​യ്തു.