ആഘോഷങ്ങൾ ഒഴിവാക്കി ആ തുക ദുരിതാശ്വാസ നിധിയിലേക്ക്​ നൽകണം-മുഖ്യമന്ത്രി

തിരുവനന്തപുരം: ആഘോഷങ്ങൾ ഒഴിവാക്കി അതിനായി മാററിവെച്ച തുക ദുരിതാശ്വാസ നിധിയിലേക്ക്​ നൽകാൻ ജനങ്ങൾ തയ്യാറാവണമെന്ന്​ മുഖ്യമന്ത്രി പിണറായി വിജയൻ. സർക്കാർ ഒാണാഘോഷം ഒഴിവാക്കിയിട്ടുണ്ട്​. നല്ല മനസ്സുള്ളവർ ഇതുപോലുള്ള കാര്യങ്ങൾ ചെയ്യാൻ മുന്നോട്ടു വരണം. സാധന സാമ​ഗ്രികൾ ശേഖരിച്ച്​ ദുരിത ബാധിതർക്ക്​ എത്തിച്ചു നൽകിയവരുടെ പ്രവത്തനങ്ങൾ അഭിനന്ദനാർഹമാണ്​. നനഞ്ഞ നോട്ടുകൾ മാറ്റി നൽകാമെന്ന്​ റിസർവ്​ ബാങ്ക്​ വാഗ്​ദാനം നൽകിയിട്ടുണ്ടെന്നും അദ്ദേഹം പറഞ്ഞു. 

മുഖ്യമന്ത്രിയുടെ ദുരിതാശ്വാസ നിധിയിലേക്കെന്നും പറഞ്ഞ്​ ചിലർ സ്വന്തം നിലയിൽ ഫണ്ട്​ ശേഖരണവുമായി രംഗത്ത്​ വന്നത്​ ശ്രദ്ധയിൽപെട്ടിട്ടുണ്ട്​. മുഖ്യമന്ത്രിയുടെ ദുരിതാശ്വാസ നിധിയിലേക്കെന്ന പേരിൽ ചില തദ്ദേശ സ്വയം ഭരണ സ്​ഥാപനങ്ങൾ അക്കൗണ്ട്​ തുടങ്ങി പണം വാങ്ങുന്നുണ്ട്​. അത്​ അംഗീകരിക്കാൻ കഴിയി​െലന്നെും അദ്ദേഹം വാർത്താസമ്മേളനത്തിൽ പറഞ്ഞു.

സംസ്​ഥാനത്ത്​ 3244 ക്യാമ്പുകളിൽ 101491 പുരുഷൻമാരും, 212735 സ്​ത്രീകളുമടക്കം 1078023 ദുരിതബാധിതരാണുള്ളത്​.  രക്ഷാപ്രവർത്തനം പൂർണതയിലേക്കെത്തുകയാണ്​. അവസാനത്തെ ആളെയും രക്ഷപ്പെടുത്തും വരെ രക്ഷാപ്രവർത്തനം തുടരും. ഇന്നു മാത്രം 602 പേരെ രക്ഷ​െപ്പടുത്തിയെന്നും മുഖ്യമന്ത്രി വ്യക്തമാക്കി. പ്രളയം മൂലം പഞ്ചവത്സര പദ്ധതിക്ക്​ തുല്ല്യമായ തുക സംസ്​ഥാനത്ത്​ നിർമ്മാണ പുനരുജ്ജീവന പ്രവർത്തനങ്ങൾക്ക്​ മാറ്റിവെക്കാൻ കേരളം തയ്യാറാവേണ്ടി വരും. പലയിടങ്ങളിലും വീടുകളിലേക്ക്​ മടങ്ങിയെത്താനുള്ള സാഹചര്യമാണുള്ളതെന്നും മുഖ്യമന്ത്രി പറഞ്ഞു.