കോ​ത​മം​ഗ​ലത്തെ കാട്ടാന ആക്രമണം: എൽദോസിന്​ നാടിന്‍റെ വിട

കോ​ത​മം​ഗ​ലം: കു​ട്ട​മ്പു​ഴ​യി​ൽ കാ​ട്ടാ​ന​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട ഉ​രു​ള​ൻ​ത​ണ്ണി വ​ലി​യ ക്​​ണാ​ച്ചേ​രി​യി​ൽ കോ​ടി​യാ​ട്ട് എ​ൽ​ദോ​സി​ന്‍റെ മൃ​ത​ദേ​ഹം ചൊ​വ്വാ​ഴ്ച വ​ൻ ജ​നാ​വ​ലി​യു​ടെ സാ​ന്നി​ധ്യ​ത്തി​ൽ സം​സ്ക​രി​ച്ചു. ഉ​രു​ള​ൻ​ത​ണ്ണി മാ​ർ​ത്തോ​മാ പ​ള്ളി​യി​ൽ അ​ന്ത്യ​ശു​ശ്രൂ​ഷ​ക​ൾ​ക്കു​ശേ​ഷം വൈ​കീ​ട്ട്​ മൂ​ന്നോ​ടെ ചേ​ലാ​ടു​ള്ള സെ​മി​ത്തേ​രി​യി​ലാ​യി​രു​ന്നു സം​സ്കാ​രം. എ​റ​ണാ​കു​ളം ഗ​വ. മെ​ഡി​ക്ക​ൽ കോ​ള​ജി​ൽ പോ​സ്റ്റ്മോ​ർ​ട്ട​ത്തി​നു​ശേ​ഷം ഉ​ച്ച​ക്ക്​ ഒ​ന്ന​ര​യോ​ടെ​യാ​ണ്​ മൃ​ത​ദേ​ഹം വീ​ട്ടി​ലെ​ത്തി​ച്ച​ത്. സം​ഘ​ർ​ഷ​സാ​ധ്യ​ത ക​ണ​ക്കി​ലെ​ടു​ത്ത് വ​ൻ പൊ​ലീ​സ് സ​ന്നാ​ഹം കോ​ത​മം​ഗ​ല​ത്തും ഉ​രു​ള​ൻ​ത​ണ്ണി​യി​ലും നി​ല​യു​റ​പ്പി​ച്ചി​രു​ന്നു. എ​ൽ​ദോ​സി​ന്‍റെ കു​ടും​ബ​ത്തി​ന് ന​ഷ്ട​പ​രി​ഹാ​ര​മാ​യി 10 ല​ക്ഷം രൂ​പ​യു​ടെ ചെ​ക്ക് സ​ഹോ​ദ​രി ലീ​ലാ​മ്മ​ക്ക് എ​റ​ണാ​കു​ളം ക​ല​ക്ട​ർ എ​ൻ.​എ​സ്.​കെ. ഉ​മേ​ഷ്​ കൈ​മാ​റി.

കൊ​ച്ചി​യി​ലെ സ്വ​കാ​ര്യ സെ​ക്യൂ​രി​റ്റി സ്ഥാ​പ​ന​ത്തി​ലെ ജോ​ലി ക​ഴി​ഞ്ഞ് തി​ങ്ക​ളാ​ഴ്ച രാ​ത്രി എ​ട്ട​ര​യോ​ടെ കെ.​എ​സ്.​ആ​ർ.​ടി.​സി ബ​സി​ൽ ഉ​രു​ള​ൻ​ത​ണ്ണി​യി​ൽ ഇ​റ​ങ്ങി വീ​ട്ടി​ലേ​ക്ക് പോ​കും​വ​ഴി​യാ​ണ് എ​ൽ​ദോ​സി​നെ കാ​ട്ടാ​ന ആ​ക്ര​മി​ച്ച​ത്. ഫോ​റ​സ്റ്റ് സ്റ്റേ​ഷ​നി​ൽ​നി​ന്ന് 250 മീ​റ്റ​ർ മാ​റി ക്​​ണാ​ച്ചേ​രി അ​മ്പ​ല​ത്തി​ന് സ​മീ​പ​ത്താ​യി​രു​ന്നു സം​ഭ​വം. ഇ​തു​വ​ഴി ക​ട​ന്നു​പോ​യ ഓ​ട്ടോ ഡ്രൈ​വ​റാ​ണ് എ​ൽ​ദോ​സി​ന്‍റെ മൃ​ത​ദേ​ഹം ക​ണ്ട​ത്. വ​നം​വ​കു​പ്പ് ഉ​ദ്യോ​ഗ​സ്ഥ​രും പൊ​ലീ​സും സ്ഥ​ല​ത്തെ​ത്തി മൃ​ത​ദേ​ഹം റോ​ഡി​ൽ​നി​ന്ന് നീ​ക്കാ​ൻ ശ്ര​മി​ച്ചെ​ങ്കി​ലും നാ​ട്ടു​കാ​രു​ടെ പ്ര​തി​ഷേ​ധ​ത്തെ തു​ട​ർ​ന്ന് ക​ഴി​ഞ്ഞി​ല്ല.

ചൊ​വ്വാ​ഴ്ച പു​ല​ർ​ച്ചെ ഒ​രു​മ​ണി​യോ​ടെ സ്ഥ​ല​ത്തെ​ത്തി​യ ജി​ല്ല ക​ല​ക്ട​ർ എ​ൻ.​എ​സ്.​കെ. ഉ​മേ​ഷ്, എം.​എ​ൽ.​എ​മാ​രാ​യ ആ​ന്‍റ​ണി ജോ​ൺ, മാ​ത്യു കു​ഴ​ൽ​നാ​ട​ൻ, കു​ട്ട​മ്പു​ഴ പ​ഞ്ചാ​യ​ത്ത് പ്ര​സി​ഡ​ന്‍റ്​ കാ​ന്തി വെ​ള്ള​ക്ക​യ്യ​ൻ, വാ​ർ​ഡ് അം​ഗം ജോ​ഷി പൊ​ട്ട​ക്ക​ൽ തു​ട​ങ്ങി​യ​വ​രു​മാ​യി ഒ​രു മ​ണി​ക്കൂ​റി​ലേ​റെ ച​ർ​ച്ച ന​ട​ത്തി​യ ശേ​ഷ​മാ​ണ്​​ ര​ണ്ടു​മ​ണി​യോ​ടെ മൃ​ത​ദേ​ഹം എ​റ​ണാ​കു​ളം ഗ​വ. മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലേ​ക്ക് മാ​റ്റി​യ​ത്.

ആ​റു​മ​ണി​ക്കൂ​റോ​ളം നീ​ണ്ട പ്ര​തി​ഷേ​ധം ക​ല​ക്ട​ർ ന​ൽ​കി​യ ഉ​റ​പ്പു​ക​ളു​ടെ അ​ടി​സ്ഥാ​ന​ത്തി​ലാ​ണ്​ അ​വ​സാ​നി​പ്പി​ച്ച​ത്. സം​ഭ​വ​ത്തി​ൽ പ്ര​തി​ഷേ​ധി​ച്ച് കു​ട്ട​മ്പു​ഴ​യി​ലും കോ​ത​മം​ഗ​ല​ത്തും ജ​ന​കീ​യ​മു​ന്ന​ണി ഹ​ർ​ത്താ​ൽ പ്ര​ഖ്യാ​പി​ച്ചി​രു​ന്നു. കു​ട്ട​മ്പു​ഴ​യി​ൽ ഹ​ർ​ത്താ​ൽ പൂ​ർ​ണ​മാ​യി​രു​ന്നു. വൈ​കീ​ട്ട് കോ​ത​മം​ഗ​ല​ത്ത് ഡി.​എ​ഫ്.​ഒ ഓ​ഫി​സി​ലേ​ക്ക് ജ​ന​കീ​യ മാ​ർ​ച്ചും ന​ട​ന്നു. വീ​ട്ടി​ൽ ന​ട​ന്ന സം​സ്കാ​ര ശു​ശ്രൂ​ഷ​ക​ൾ​ക്ക് യാ​ക്കോ​ബാ​യ സ​ഭ മെ​ത്രാ​പ്പോ​ലീ​ത്ത​മാ​രാ​യ ഏ​ലി​യാ​സ് മോ​ർ യൂ​ലി​യോ​സ്, മാ​ർ​ക്കോ​സ് മോ​ർ ക്രി​സോ​സ്റ്റ​മോ​സ് എ​ന്നി​വ​ർ നേ​തൃ​ത്വം ന​ൽ​കി. എം.​എ​ൽ.​എ​മാ​രാ​യ ആ​ന്‍റ​ണി ജോ​ൺ, മാ​ത്യു കു​ഴ​ൽ​നാ​ട​ൻ, വി​വി​ധ രാ​ഷ്ട്രീ​യ സാ​മൂ​ഹി​ക മ​ത​നേ​താ​ക്ക​ൾ തു​ട​ങ്ങി​യ​വ​ർ മൃ​ത​ദേ​ഹ​ത്തെ അ​നു​ഗ​മി​ച്ചു.

മുന്നിൽ കലിപൂണ്ട കാട്ടാന; ഞെട്ടൽ മാറാതെ സുരേഷ്

കോ​ത​മം​ഗ​ലം: കു​ട്ട​മ്പു​ഴ​യി​ൽ ചൊ​വ്വാ​ഴ്ച പു​ല​ർ​ച്ചെ എ​ൽ​ദോ​സി​നെ കൊ​ല​പ്പെ​ടു​ത്തി​യ ആ​ന​യു​ടെ മു​ന്നി​ൽ നി​ന്ന് ത​ല​നാ​രി​ഴ​ക്ക് ര​ക്ഷ​പ്പെ​ട്ട​തി​ന്‍റെ ആ​ശ്വാ​സ​ത്തി​ലും ഞെ​ട്ട​ലി​ലു​മാ​ണ്​ ഓ​ട്ടോ ഡ്രൈ​വ​ർ കു​ള​ക്കാ​ട്ടി​ൽ കെ.​എ​ൻ. സു​രേ​ഷ്. ആ​ന പാ​ഞ്ഞ​ടു​ത്ത​തോ​ടെ മ​ര​ണം മു​ന്നി​ൽ ക​ണ്ട​തി​ന്‍റെ ആ​ഘാ​ത​ത്തി​ൽ നി​ന്ന്​ ഇ​നി​യും മോ​ചി​ത​നാ​കാ​ൻ സു​രേ​ഷി​ന്​ ക​ഴി​ഞ്ഞി​ട്ടി​ല്ല.

തി​ങ്ക​ളാ​ഴ്ച വൈ​കു​ന്നേ​രം 7.45 ഓ​ടെ ഉ​രു​ള​ൻ​ത​ണ്ണി​യി​ൽ നി​ന്ന് ക്ണാ​ച്ചേ​രി​ക്ക് ഓ​ട്ടം പോ​യ സു​രേ​ഷ് ആ​ളെ ഇ​റ​ക്കി മ​ട​ങ്ങി വ​രു​മ്പോ​ഴാ​ണ് എ​ൽ​ദോ​സി​നെ കൊ​ല​പ്പെ​ടു​ത്തി​യ ആ​ന ഓ​ട്ടോ​ക്ക്​ നേ​രെ പാ​ഞ്ഞ​ടു​ത്ത​ത്. വാ​ഹ​നം മു​ന്നോ​ട്ടെ​ടു​ക്കാ​തെ ഹെ​ഡ് ലൈ​റ്റ് തെ​ളി​ച്ച് നി​ർ​ത്തി​യ​തോ​ടെ ആ​ന തി​രി​ഞ്ഞ് ന​ട​ന്നെ​ങ്കി​ലും വീ​ണ്ടും പാ​ഞ്ഞ​ടു​ത്തു.

ഈ ​സ​മ​യം ജീ​വ​ഭ​യ​ത്തോ​ടെ സു​രേ​ഷ് ഓ​ട്ടോ പി​ന്നോ​ട്ടെ​ടു​ത്തു. പി​ന്നീ​ട് വീ​ടി​ന് സ​മീ​പ​ത്തെ​ത്തി മ​റ്റ് ര​ണ്ട് ഓ​ട്ടോ​റി​ക്ഷ​യും സു​ഹൃ​ത്തു​ക്ക​ളു​മാ​യെ​ത്തി​യ​പ്പോ​ഴാ​ണ് റോ​ഡ് വ​ക്കി​ൽ ഒ​രാ​ൾ വീ​ണ് കി​ട​ക്കു​ന്ന​താ​യി ക​ണ്ട​ത്. ഉ​ട​ൻ 200 മീ​റ്റ​ർ അ​ടു​ത്തു​ള്ള ഫോ​റ​സ്റ്റ് സ്റ്റേ​ഷ​നി​ലെ​ത്തി വ​ന​പാ​ല​ക​രെ​യും വാ​ർ​ഡ് അം​ഗം ജോ​ഷി പെ​ട്ട​ക്ക​ലി​നെ​യും നാ​ട്ടു​കാ​രെ​യും കൂ​ട്ടി സ്ഥ​ല​ത്തെ​ത്തി. അ​പ്പോ​ഴാ​ണ്​ ഛിന്ന​ഭി​ന്ന​മാ​യ മൃ​ത​ദേ​ഹം അ​യ​ൽ​വാ​സി​യാ​യ എ​ൽ​ദോ​സി​ന്‍റേ​താ​ണെ​ന്ന്​ തി​രി​ച്ച​റി​യു​ന്ന​ത്.