സ്വീകരണം നൽകി

കോതമംഗലം: വേമ്പനാട്ട് കായല്‍ നീന്തിക്കയറിയ അഞ്ചുവയസ്സുകാരന്‍ നീരജ് ശ്രീകാന്തിന് ജന്മനാടിന്റെ സ്വീകരണം. ശനിയാഴ്ച രാവിലെയാണ് നീരജ് കായല്‍ നീന്തിക്കയറിയത്. ഹീറോ യങ്​സ്​ ക്ലബിന്റെ നേതൃത്വത്തില്‍ അടിവാട് ടൗണില്‍ നടന്ന സ്വീകരണ പരിപാടിയില്‍ പഞ്ചായത്ത് പ്രസിഡന്റ് ഖദീജ മുഹമ്മദ് ഉപഹാരം നല്‍കി. ക്ലബ് പ്രസിഡന്റ് യു.എച്ച്. മുഹ്​യിദ്ദീന്‍ അധ്യക്ഷത വഹിച്ചു. നിസമോള്‍ ഇസ്മായില്‍, പഞ്ചായത്ത് സ്ഥിരം സമിതി അധ്യക്ഷരായ സീനത്ത് മൈതീന്‍, സഫിയ സലിം, വാര്‍ഡ്​ അംഗങ്ങളായ അബൂബക്കര്‍ മാങ്കുളം, കെ.എം. മൈതീന്‍, നസിയ ഷെമീര്‍, എ.എ. രമണന്‍, പോത്താനിക്കാട് സഹകരണ ബാങ്ക് പ്രസിഡന്റ് കെ.ജെ. ബോബന്‍, എം.പി. ഷൗക്കത്ത് തുടങ്ങിയവര്‍ പങ്കെടുത്തു. ക്ലബ് സെക്രട്ടറി സി.പി. അഷ്‌റഫ് സ്വാഗതവും ട്രഷറര്‍ പി.ആര്‍. വിഷ്ണു നന്ദിയും പറഞ്ഞു. ചടങ്ങില്‍ വിവിധ ക്ലബുകളും സംഘടനകളും നീരജിന് ഉപഹാരം നല്‍കി. EM KMGM 6 Neeraj വേമ്പനാട്ട് കായൽ നീന്തിക്കടന്ന നീരജ് ശ്രീകാന്തിന് അടിവാട് ടൗണില്‍ നൽകിയ സ്വീകരണം