നെല്ലിക്കുഴി സപ്ലൈകോ സൂപ്പര്‍മാര്‍ക്കറ്റില്‍ മോഷണം

കോതമംഗലം: . കാഷ് കൗണ്ടറിൽനിന്ന് 2000 രൂപയും കുടുംബശ്രീ ഉൽപന്നങ്ങളുടെ വിറ്റുവരവായി സൂക്ഷിച്ച 6000 രൂപയുമാണ് നഷ്ടപ്പെട്ടത്. സൂപ്പര്‍ മാര്‍ക്കറ്റിന്‍റെ ഒരുവശത്തെ ഷട്ടറിന്‍റെ പൂട്ട്​ തകര്‍ത്ത് ഗ്ലാസ് പൊട്ടിച്ചാണ്​ മോഷ്ടാവ് അകത്ത് കടന്നത്. സമീപത്തെ കടയിലെ സി.സി ടി.വിയില്‍ മോഷ്ടാവ് അകത്ത് കയറുന്ന ദൃശ്യങ്ങള്‍ ലഭിച്ചിട്ടുണ്ട്. ഏകദേശം ഒരു മണിക്കൂറോളമെടുത്താണ് പൂട്ട് തകർത്ത് മോഷ്ടാവ് അകത്തുകടന്നത്. പൂട്ട്​ തകർക്കുന്നതിനും ഗ്ലാസ് പൊട്ടിക്കുന്നതിനും ഉപയോഗിച്ച ഇരുമ്പ് കമ്പി കാഷ് കൗണ്ടറിന് മുകളില്‍നിന്ന് പൊലീസിന് ലഭിച്ചിട്ടുണ്ട്. കോതമംഗലം പൊലീസ് കേസെടുത്തു.