സംസ്ഥാന ഗാട്ട ഗുസ്തി മത്സരങ്ങൾക്ക് തുടക്കം

ഫോർട്ട്​കൊച്ചി: സംസ്ഥാന ഗാട്ട ഗുസ്തി അസോസിയേഷൻ ആഭിമുഖ്യത്തിൽ 11ാമത്​ സംസ്ഥാന ഗാട്ട ഗുസ്തി മത്സരങ്ങൾക്ക് തുടക്കമായി. ഫോർട്ട്​കൊച്ചി പള്ളത്ത് രാമൻ മൈതാനിയിൽ പ്രത്യേകം സജ്ജമാക്കിയ ഗോദയിൽ നടക്കുന്ന മത്സരങ്ങൾ അസോസിയേഷൻ സംസ്ഥാന പ്രസിഡന്‍റ്​ കെ.വി. സെബാസ്റ്റിൻ ഉദ്ഘാടനം ചെയ്തു. സംസ്ഥാന അസോസിയേഷൻ സെക്രട്ടറി ടി.ജെ. ജോർജ് അധ്യക്ഷത വഹിച്ചു. ജില്ല അസോസിയേഷൻ മുൻ പ്രസിഡന്‍റ്​ സി.ജെ. ജോൺസൺ, ഡോ. മനുവർമ, വിൽഫ്രഡ് മാനുവൽ, ലാൽസൻ ജോസഫ് എന്നിവർ സംസാരിച്ചു. കളരി ഗുരുക്കളായ അശ്വിനി കുമാർ, മെറീന, ഗുസ്തി പരിശീലകൻ എം.എം. സലീം, ഗുസ്തി താരങ്ങളായ സരയു ജയൻ, അനഘ, എം.എച്ച്. അഷർ എന്നിവരെ ചടങ്ങിൽ ആദരിച്ചു. സെമി, ഫൈനൽ മത്സരങ്ങൾ തിങ്കളാഴ്ച നടക്കും. ചിത്രം: ഫോർട്ട്​കൊച്ചിയിൽ നടന്ന സംസ്ഥാന ഗാട്ട ഗുസ്തി മത്സരത്തിൽനിന്ന്