ഫ്രീഡം കപ്പ് കൊച്ചി പൊലീസ് ടീമിന്

കൊച്ചി: ലഹരിവിരുദ്ധ സന്ദേശമുയര്‍ത്തി സ്വാതന്ത്ര്യത്തി‍ൻെറ 75ാം വാര്‍ഷികത്തില്‍ തേവര സേക്രഡ് ഹാര്‍ട്ട് കോളജും എറണാകുളം പ്രസ്‌ക്ലബും സംയുക്തമായി സംഘടിപ്പിച്ച ഫ്രീഡം കപ്പ് ക്രിക്കറ്റ് മത്സരത്തില്‍ കൊച്ചി സിറ്റി പൊലീസ് ടീമിന് കിരീടം. ഫൈനലില്‍ സേക്രഡ് ഹാര്‍ട്ട് കോളജിനെ പരാജയപ്പെടുത്തിയാണ് പൊലീസ് ടീം കപ്പുയര്‍ത്തിയത്. തേവര കോളജ് ഗ്രൗണ്ടില്‍ സംഘടിപ്പിച്ച മത്സരങ്ങള്‍ കൊച്ചി സിറ്റി പൊലീസ് കമീഷണര്‍ സി.എച്ച്. നാഗരാജു ഉദ്ഘാടനം ചെയ്തു. കൊച്ചി ഡൗണ്‍ടൗണ്‍ റോട്ടറി ക്ലബ് പ്രസിഡന്‍റും ടാറ്റ കണ്‍സള്‍ട്ടന്‍സി സര്‍വിസ്​ കേരള മേധാവിയുമായ ദിനേശ് തമ്പി ട്രോഫിയും മെഡലും സമ്മാനിച്ചു. കൊച്ചി കോര്‍പറേഷന്‍ വികസനകാര്യ സ്ഥിരം സമിതി ചെയര്‍മാന്‍ റെനീഷ് പി.ആര്‍, കോളജ് മാനേജര്‍ ഫാ. പൗലോസ് കിടങ്ങന്‍, പ്രസ് ക്ലബ് പ്രസിഡന്‍റ്​ എം.ആര്‍. ഹരികുമാര്‍, സെക്രട്ടറി എം. സൂഫി മുഹമ്മദ്, ഫാ. ജോസഫ് കുസുമാലയം, ഫാ. സെബാസ്റ്റ്യന്‍, പോള്‍രാജ്, സന്ദീപ് സണ്ണി, സുജിത് നാരായണന്‍, അഷ്‌റഫ് തൈവളപ്പ്, അനില്‍ സച്ചു എന്നിവര്‍ സംസാരിച്ചു. ec chn4 Photo Caption തേവര സേക്രഡ് ഹാര്‍ട്ട് കോളജും എറണാകുളം പ്രസ്‌ക്ലബും സംയുക്തമായി നടത്തിയ ഫ്രീഡം കപ്പ് സിറ്റി പൊലീസ് കമീഷണര്‍ സി.എച്ച്. നാഗരാജു ഉദ്ഘാടനം ചെയ്യുന്നു