മത്സ്യബന്ധന തുറമുഖങ്ങള്‍ അന്താരാഷ്​ട്ര നിലവാരത്തിലേക്ക് ഉയര്‍ത്തും -ഡോ. എല്‍. മുരുകന്‍

കൊച്ചി: കൂടുതല്‍ മത്സ്യബന്ധന തുറമുഖങ്ങള്‍ അന്താരാഷ്​ട്ര നിലവാരത്തിലേക്ക് ഉയര്‍ത്തുമെന്ന് കേന്ദ്ര സഹമന്ത്രി ഡോ. എല്‍. മുരുകന്‍. കേന്ദ്ര സമുദ്രോൽപന്ന കയറ്റുമതി വികസന അതോറിറ്റിയുടെ (എം.പി.ഇ.ഡി.എ) കൊച്ചി ഓഫിസ് സന്ദര്‍ശിക്കുകയായിരുന്നു അദ്ദേഹം. കെ.എസ്. ശ്രീനിവാസ്, ഡയറക്ടര്‍ ഡോ. എം. കാര്‍ത്തികേയന്‍, ജോയൻറ്​ ഡയറക്ടര്‍മാരായ ഡോ. എം.കെ. രാംമോഹന്‍, പി. അനില്‍കുമാര്‍ ഉള്‍പ്പെടെയുള്ള മുതിര്‍ന്ന ഉദ്യോഗസ്ഥരുമായി അദ്ദേഹം ചര്‍ച്ച നടത്തി.