യൂത്ത് വോളിബാൾ ചാമ്പ്യൻഷിപ്; സംഘാടക സമിതിയായി

പറവൂർ: 37ാമത് സംസ്ഥാന പുരുഷ-വനിത യൂത്ത് ദക്ഷിണ മേഖല ​വോളിബാൾ ചാമ്പ്യൻഷിപ് മാർച്ച് 11, 12, 13 തീയതികളിൽ എസ്.എൻ.വി സംസ്കൃതം ഹയർ സെക്കൻഡറി സ്കൂളിൽ നടക്കും. ഇതിന്‍റെ വിജയത്തിനായുള്ള സംഘാടക സമിതി രൂപവത്കരിച്ചു. സി. എൻ. രാധാകൃഷ്ണൻ (ചെയർമാൻ), സി.കെ. ബിജു ( ജനറൽ കൺവീനർ), ടി.ആർ. ബിന്നി (കൺവീനർ), ആൻഡ്രൂസ് കടുത്തൂസ് (ഓർഗനൈസിങ്​ സെക്രട്ടറി), എ.ജി. അജിത്ത് കുമാർ (ട്രഷ). മുസ്​ലിം ലീഗ് ശാഖ കമ്മിറ്റി കരുമാല്ലൂർ: മുസ്​ലിം ലീഗ് അടുവാത്തുരുത്ത് തടിക്കക്കടവ് ശാഖ കമ്മിറ്റി യോഗം നടന്നു. ശാഖ പ്രസിഡൻറ് സലാം കൊടിയൻ അധ്യക്ഷത വഹിച്ചു. ചടങ്ങിൽ മുസ്​ലിം ലീഗ് ജില്ല ആസ്ഥാന മന്ദിര ഫണ്ട് ശേഖരണം മുഹമ്മദ്‌ ശരീഫിൽനിന്നും സംഭാവന സ്വീകരിച്ച് ലീഗ് കരുമാല്ലൂർ പഞ്ചായത്ത്‌ കമ്മിറ്റി ട്രഷറർ വി.എ. കാസിം ഉദ്​​ഘാടനം നിർവഹിച്ചു. വൈസ് പ്രസിഡൻറ് അഡ്വ. ഇസ്മായിൽ ഖാൻ, സെക്രട്ടറി സിയാദ്, ഹമീദ് എന്നിവർ സംസാരിച്ചു.