കായലിൽവീണ് കാണാതായ തൊഴിലാളിയുടെ മൃതദേഹം കണ്ടെത്തി

പള്ളുരുത്തി: ചെറുവള്ളത്തിൽ മീൻ പിടിക്കവെ കായലിൽവീണ് കാണാതായ മത്സ്യത്തൊഴിലാളിയുടെ മൃതദേഹം കണ്ടെത്തി. ഇടക്കൊച്ചി കേളമംഗലത്ത് വീട്ടിൽ കാർത്തികേയനെയാണ്​ (50) വെള്ളിയാഴ്ച പുലർച്ച രണ്ടോടെ ഇടക്കൊച്ചി കായലിൽ കാണാതായത്. തുടർന്ന് അഗ്​നിരക്ഷാസേനയും നാട്ടുകാരും ചേർന്ന് കായലിൽ തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞില്ല. ശനിയാഴ്ച നാവികസേനയുടെ തിരച്ചിലിലാണ് കുമ്പളം കായലിൽനിന്ന് മൃതദേഹം കണ്ടെത്തിയത്. പള്ളുരുത്തി പൊലീസ് സ്ഥലത്തെത്തി ഇൻക്വസ്റ്റ് നടപടി പൂർത്തിയാക്കി മൃതദേഹം കളമശ്ശേരി മെഡിക്കൽ കോളജിലേക്ക് മാറ്റി. രാജേശ്വരിയാണ് ഭാര്യ. മക്കൾ: അനുശ്രീ, അനന്തകൃഷ്ണൻ (ഇരുവരും വിദ്യാർഥികൾ). ചിത്രം - മരിച്ച കാർത്തികേയൻ