അന്താരാഷ്ട്ര പഞ്ചഗുസ്തി മത്സരം: സുബൈർ-നസീമ ദമ്പതികൾക്ക് അഭിമാന നേട്ടം

ചെങ്ങമനാട്: ഉസ്ബകിസ്താനിലെ സമ്മർഖണ്ടിൽ നടന്ന 20ാം അന്താരാഷ്ട്ര പഞ്ചഗുസ്തി മത്സരത്തിൽ കേരളത്തിൽനിന്ന് പങ്കെടുത്ത ദമ്പതികൾക്ക് അഭിമാന നേട്ടം. ഇന്ത്യയിൽനിന്ന് 10 അംഗടീമാണ് പങ്കെടുത്തത്. ആലുവ ചെങ്ങമനാട് പറമ്പയം മാനാടത്ത് വീട്ടിൽ സുബൈർ മാനാടവും ഭാര്യ നസീമയുമാണ് അഭിമാനനേട്ടമുണ്ടാക്കിയത്. 100 കിലോയിലധികം വരുന്ന വിഭാഗത്തിൽ സുബൈർ മൂന്ന് വെള്ളിയും ഒരു വെങ്കലവും നേടിയപ്പോൾ നസീമ 80 കിലോ വിഭാഗത്തിൽ രണ്ട് വെള്ളി കരസ്ഥമാക്കി. ഇന്ത്യക്ക് ആകെ അഞ്ച് വെള്ളിയും മൂന്ന് വെങ്കലവുമാണ് ലഭിച്ചത്. തിങ്കളാഴ്ച മത്സരം സമാപിക്കും. ചൊവ്വാഴ്ച രാവിലെ ഒമ്പതിന് നെടുമ്പാശ്ശേരിയിലെത്തുന്ന സുബൈർ-നസീമ ദമ്പതികൾക്ക് പഞ്ചഗുസ്തി അസോസിയേഷൻ സംസ്ഥാന പ്രസിഡന്റ് അൻവർ സാദത്ത് എം.എൽ.എയുടെ നേതൃത്വത്തിൽ സ്വീകരണം നൽകും. EKG ANKA 1 WRESTLINK അന്താരാഷ്ട്ര പഞ്ചഗുസ്തി മത്സരത്തിൽ മികച്ച നേട്ടം കൈവരിച്ച സുബൈറും ഭാര്യ നസീമയും