എന്‍.സി.സി ദേശീയ മേധാവി നാളെ കേരളത്തിൽ

കൊച്ചി: നാഷനല്‍ കാഡറ്റ് കോര്‍പ്‌സ് (എന്‍.സി.സി) ദേശീയ മേധാവി ലെഫ്​. ജനറല്‍ ഗുര്‍ബീര്‍പാല്‍ സിങ് നാളെ കേരളത്തിലെത്തും. ചൊവ്വാഴ്ച രാവിലെ 11ന് കൊച്ചി വിലിങ്ടണ്‍ ഐലന്‍ഡ്​-മൂന്നിലെ (കേരള) എയര്‍ എന്‍.സി.സി സ്‌ക്വാഡ്രണിലാണ് അദ്ദേഹമെത്തുന്നത്. ദേശീയതലത്തില്‍ മികവ് തെളിയിച്ച അസോസിയറ്റ് എന്‍.സി.സി ഓഫിസര്‍മാര്‍, ഗേള്‍ കാഡറ്റ് ഇന്‍സ്ട്രക്ടര്‍, സൈനിക ഉദ്യോഗസ്ഥര്‍, കാഡറ്റുകള്‍ എന്നിവരെ ആദരിക്കുന്ന ചടങ്ങ് ഉദ്ഘാടനം ചെയ്യും. കേരള-ലക്ഷദ്വീപ് എന്‍.സി.സി ഡയറക്ടറേറ്റാണ് ചടങ്ങ് സംഘടിപ്പിക്കുന്നത്. ചടങ്ങില്‍ കേരള-ലക്ഷദ്വീപ് എന്‍.സി.സി ഡയറക്ടറേറ്റ് അഡീഷനല്‍ ഡയറക്ടര്‍ ജനറല്‍, മേജര്‍ ജനറല്‍ അലോക് ബെറി അധ്യക്ഷത വഹിക്കും.