ഹജ്ജ് സാങ്കേതിക പഠനക്ലാസ്

പെരുമ്പാവൂര്‍: സംസ്ഥാന ഹജ്ജ് കമ്മിറ്റി മുഖേന ഈ വര്‍ഷം ഹജ്ജിന് നറുക്കെടുപ്പിലൂടെ അവസരം ലഭിച്ച ജില്ലയില്‍നിന്നുള്ള 546 ഹാജിമാര്‍ക്കുവേണ്ടി നടത്തുന്ന സാങ്കേതിക പഠനക്ലാസ് ബുധനാഴ്ച രാവിലെ ഒമ്പതുമുതല്‍ വൈകീട്ട് നാലുവരെ പെരുമ്പാവൂര്‍ വട്ടക്കാട്ടുപടി മുസ്​ലിം ജമാഅത്ത് ഓഡിറ്റോറിയത്തില്‍ നടക്കും. കലക്ടര്‍ ജാഫര്‍ മാലിക് ഉദ്ഘാടനം ചെയ്യും. സംസ്ഥാന ഹജ്ജ് കമ്മിറ്റി അസി. സെക്രട്ടറി എന്‍. മുഹമ്മദാലി അധ്യക്ഷത വഹിക്കും. മഹല്ല് ഇമാം ആഷിക് റഹ്​മാന്‍ ഫൈസി പ്രാര്‍ഥനക്ക്​ നേതൃത്വം നല്‍കും. പഠനക്ലാസിന് മാസ്റ്റര്‍ ട്രെയിനര്‍ എന്‍.പി. ഷാജഹാനും ജില്ല ട്രെയിനര്‍ സി.എം. അസ്‌കറും നേതൃത്വം നല്‍കും.