തമിഴ്നാട്ടിൽ മൂന്ന് മലയാളികളെ കാറിൽ മരിച്ച നിലയിൽ കണ്ടെത്തി

ഇടുക്കി: തമിഴ്നാട്ടിലെ കമ്പത്ത് കാറിനുള്ളിൽ മൂന്ന് മലയാളികളെ മരിച്ച നിലയിൽ കണ്ടെത്തി. കോട്ടയം പുതുപ്പള്ളി കാഞ്ഞിരത്തുംമൂട് സ്വദേശികളായ ജോർജ് പി.സ്കറിയ (60), ഭാര്യ മേഴ്സി (58), മകൻ അഖിൽ (29) എന്നിവരെയാണ് മരിച്ച നിലയിൽ കണ്ടെത്തിയത്. ഇവരെ കാണാനില്ലെന്ന ബന്ധുക്കളുടെ പരാതിയിൽ വാകത്താനം പൊലീസ് കേസ് രജിസ്റ്റർ ചെയ്തിരുന്നു. സാമ്പത്തിക ബാധ്യതയെ തുടർന്ന് നാടുവിട്ടതാകമെന്നും ആത്മഹത്യ ചെയ്തതാകാമെന്നുമാണ് പൊലീസിന്റെ പ്രാഥമിക നിഗമനം.

ദുരൂഹ സാഹചര്യത്തിൽ കമ്പം കമ്പംമെട്ട് റോഡിന് സമീപം കാർ കണ്ട നാട്ടുകാർ പൊലീസിൽ വിവരമറിയിക്കുകയായിരുന്നു. തമിഴ്നാട് പൊലീസ് മേൽനടപടികൾ സ്വീകരിച്ചു.