ബൈക്കിടിച്ച് ഗുരുതര പരിക്ക്

ബൈക്കിടിച്ച് ഗുരുതര പരിക്ക്ഇരിട്ടി: പ്രഭാത സവാരിക്കിടെ ബൈക്കിടിച്ച് ഡി.സി.സി ജനറൽ സെക്രട്ടറി പുന്നാട് ലീല നിവാസിൽ പടിയൂർ ദാമോദരൻ മാസ്​റ്റർക്ക്​ (71) സാരമായി പരിക്കേറ്റു. തലക്കും നട്ടെല്ലിനും ഗുരുതര പരിക്കേറ്റ ഇദ്ദേഹത്തെ കണ്ണൂരിലെ സ്വകാര്യ ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചു. ഞായറാഴ്ച രാവിലെ 6.30ഓടെ കീഴൂർകുന്ന് എം.ജി കോളജ് സ്​റ്റോപ്പിനടുത്തായിരുന്നു അപകടം. രാവിലെ പുന്നാട് ടൗണിനടുത്ത വീട്ടിൽനിന്ന്​ കീഴൂർകുന്ന് ഭാഗത്തേക്ക് നടക്കുന്നതിനിടെ പിന്നിൽനിന്ന്​ എത്തിയ ബൈക്ക് ഇടിക്കുകയായിരുന്നു. കണ്ണൂർ വിമാനത്താവളത്തിൽ ഉദ്യോഗസ്ഥനായ കീഴ്പള്ളി സ്വദേശിയായ യുവാവാണ് ബൈക്ക് ഓടിച്ചിരുന്നത്.ഇടിയുടെ ആഘാതത്തിൽ റോഡിലേക്ക് തെറിച്ചുവീണ ദാമോദരനെ ഓടിക്കൂടിയ നാട്ടുകാർ ഉടൻ ഇരിട്ടിയിലെ സ്വകാര്യ ആശുപത്രിയിലെത്തിച്ചെങ്കിലും പരിക്ക് ഗുരുതരമായതിനാൽ കണ്ണൂർ ചാലയിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.