കെട്ടഴിച്ചാൽ ഇല്യാസ് നിലത്തു വീഴും; വിധിക്ക് മുന്നിൽ പകച്ച് അഞ്ചംഗ കുടുംബം

ചെ​റു​വ​ത്തൂ​ർ: നാ​ല് മാ​സ​മാ​യി ഇ​ല്യാ​സ് ഒ​രേ കി​ട​പ്പി​ലാ​ണ്. നി​ല​ത്ത് വീ​ഴു​മെ​ന്ന​തി​നാ​ൽ കെ​ട്ടി​യി​ടാ​തെ വ​യ്യ. കു​ടും​ബ​നാ​ഥ​നോ​ട് വി​ധി ചെ​യ്ത ക്രൂ​ര​ത​യി​ൽ പ​ക​ച്ച് ക​ഴി​യു​ക​യാ​ണ് ഭാ​ര്യ​യും മൂ​ന്ന് മ​ക്ക​ളും അ​ട​ങ്ങു​ന്ന അ​ഞ്ചം​ഗ കു​ടും​ബം. ചീ​മേ​നി ചെ​മ്പ്ര​കാ​ന​ത്തെ മ​ത്സ്യ​​ത്തൊ​ഴി​ലാ​ളി​യാ​യ എം.​ടി.​പി. ഇ​ല്യാ​സി​ന് ക​ഴി​ഞ്ഞ ഒ​ക്ടോ​ബ​ർ 31നാ​ണ് അ​പ​ക​ടം സം​ഭ​വി​ച്ച​ത്.

ആ​നി​ക്കാ​ടി​യി​ൽ ഇ​ദ്ദേ​ഹം സ​ഞ്ച​രി​ച്ച ബൈ​ക്കി​ൽ ഓ​ട്ടോ​യി​ടി​ക്കു​ക​യാ​യി​രു​ന്നു. ഉ​ട​ൻ ചെ​റു​വ​ത്തൂ​രി​ലെ​യും തു​ട​ർ​ന്ന് പ​രി​യാ​ര​ത്തെ​യും ആ​ശു​പ​ത്രി​ക​ളി​ൽ പ്ര​വേ​ശി​പ്പി​ച്ചു​വെ​ങ്കി​ലും ഗു​രു​ത​രാ​വ​സ്ഥ​യാ​യ​തി​നാ​ൽ ക​ണ്ണൂ​രി​ലെ സ്വ​കാ​ര്യ ആ​ശു​പ​ത്രി​യി​ലേ​ക്ക് മാ​റ്റു​ക​യാ​യി​രു​ന്നു.

ത​ല​യോ​ട്ടി​ക്ക് ക്ഷ​ത​മേ​റ്റ​തി​നാ​ൽ 13 ല​ക്ഷം രൂ​പ ചെല​വ് വ​രു​ന്ന ശ​സ്ത്ര​ക്രി​യ​ക്ക് വി​ധേ​യ​നാ​ക്കി. നാ​ട്ടു​കാ​രു​ടെ സ​ഹാ​യ​ത്തോ​ടെ കു​റ​ച്ച് തു​ക ന​ൽ​കി​യെ​ങ്കി​ലും ഭീ​മ​മാ​യ തു​ക ആശു​പ​ത്രി​യി​ൽ അ​ട​ക്കാ​നു​ണ്ട്. ചെ​ക്ക് കൊ​ടു​ത്താ​ണ് ആ​ശു​പ​ത്രി വി​ട്ട​ത്. എ​ന്നാ​ൽ ഓ​രോ ദി​വ​സം ക​ഴി​യു​ന്തോ​റും ഇ​ദ്ദേ​ഹ​ത്തി​ന്റെ ആ​രോ​ഗ്യ സ്ഥി​തി വ​ഷ​ളാ​വു​ക​യാ​ണ്. ഇ​ട​തു​ക​ണ്ണി​ന്റെ കാ​ഴ്ച ന​ഷ്ട​മാ​യി. കെ​ട്ടി​യി​ട്ടി​ല്ലെ​ങ്കി​ൽ ശ​രീ​രം ച​ലി​പ്പി​ച്ച് വീ​ഴു​ന്ന സ്ഥി​തി​യാ​ണ്.

മു​ഴു​വ​ൻ സ​മ​യ​വും പ​രി​പാ​ലി​ക്കേ​ണ്ട​തി​നാ​ൽ ഭാ​ര്യ​ക്കും തൊ​ഴി​ലു​റ​പ്പി​ന് പോ​കാ​നാ​വു​ന്നി​ല്ല. ഇ​തോ​ടെ ദി​വ​സ ചെല​വ് പ്ര​തി​സ​ന്ധി​യി​ലാ​യി. പ​ഞ്ചാ​യ​ത്ത് അ​നു​വ​ദി​ച്ച വീ​ട് പ​ണി പൂ​ർ​ത്തി​യാ​കാ​തെ കി​ട​ക്കു​ക​യാ​ണ്. വി​ദ്യാ​ർ​ഥി​ക​ളാ​യ മൂ​ന്ന് മ​ക്ക​ൾ ഉ​പ്പ​യു​ടെ സ്നേ​ഹം കൊ​തി​ച്ച് ക​ഴി​യു​ക​യാ​ണ്.

ആ​ശു​പ​ത്രി​യി​ൽ ഭീ​മ​മാ​യ തു​ക ന​ൽ​കി​യാ​ലേ ചി​കി​ത്സ തു​ട​രാ​നാ​വൂ. ക​നി​വു​ള്ള​വ​രു​ടെ സ്നേ​ഹ​വും കാ​ത്ത് ക​ഴി​യു​ക​യാ​ണ് ഇ​ല്യാ​സി​ന്റെ കു​ടും​ബം.