സ്ലാബില്ല, കാൽനട യാത്രക്കാർ ഓവുചാലിൽ

നീ​ലേ​ശ്വ​രം: കാ​ൽ​ന​ട​യാ​ത്ര​ക്കാ​ർ​ക്ക് ഭീഷണിയാവുകയാണ് നി​ലേ​ശ്വ​ര​ത്തെ ന​ട​പ്പാ​ത​ക​ൾ. ന​ഗ​ര​ത്തി​ലെ ചി​ല ഓ​വു​ചാ​ലു​ക​ൾ​ക്ക് മു​ക​ളി​ൽ സ്ലാ​ബി​ല്ലാ​ത്ത​ത് അ​പ​ക​ട​ങ്ങ​ൾ​ക്ക് കാ​ര​ണ​മാ​കു​ന്നു. നീ​ലേ​ശ്വ​ര​ത്ത് ഏ​റെ തി​ര​ക്കു​ള്ള രാ​ജ റോ​ഡി​ന് സ​മീ​പ​ത്തെ ഓ​വു​ചാ​ലി​ന് മു​ക​ളി​ൽ ഉ​ണ്ടാ​യി​രു​ന്ന സ്ലാ​ബ് ത​ക​ർ​ന്ന​താ​ണ് കാ​ൽ​ന​ട​യാ​ത്ര​ക്കാ​ർ​ക്ക് പൊ​ല്ലാ​പ്പാ​യ​ത്. യാ​ത്ര​ക്കാ​രു​ടെ കാ​ൽ സ്ലാ​ബി​നു​ള്ളി​ൽ സ്ഥിരമായി കു​ടു​ങ്ങു​ന്ന​തു​മൂ​ലം ന​ഗ​ര​സ​ഭ ശു​ചീ​ക​ര​ണ തൊ​ഴി​ലാ​ളി​ക​ൾ സ്ലാ​ബ് ഓ​വു​ചാ​ലി​നു​ള്ളി​ൽ ഇ​റ​ക്കി​വെ​ച്ച നി​ല​യി​ലാ​ണ്. ഇ​തു​മൂ​ലം ഇ​പ്പോ​ൾ ആ​ളു​ക​ൾ ഓ​വു​ചാ​ലി​ൽ​ത​ന്നെ വീ​ഴു​ന്ന സ്ഥി​തി​യാ​യി.

നി​ര​വ​ധി പേ​ർ കു​ഴി​യി​ൽ വീ​ണ് കാ​ലി​ന് പ​രി​ക്ക് പ​റ്റി​യ സം​ഭ​വ​ങ്ങ​ൾ ഉ​ണ്ടാ​യി​ട്ടു​ണ്ടെ​ന്ന് സ​മീ​പ​ത്തെ വ്യാ​പാ​രി​ക​ളും സാ​ക്ഷ്യ​പ്പെ​ടു​ത്തു​ന്നു. നീ​ലേ​ശ്വ​രം ഹെ​ഡ് പോ​സ്റ്റ് ഓ​ഫി​സി​ന് സ​മീ​പ​ത്താ​ണ് ഈ ​അ​പ​ക​ട ഓ​വു​ചാ​ലു​ള്ള​ത്. കൂ​ടാ​തെ റെ​യി​ൽ​വേ സ്റ്റേ​ഷ​ൻ, രാ​ജാ​സ് ഹ​യ​ർ​സെ​ക്ക​ൻ​ഡ​റി സ്കൂ​ൾ, സ​പ്ലൈ​കോ, ആ​ശു​പ​ത്രി എ​ന്നി​വി​ട​ങ്ങ​ളി​ലേ​ക്ക് പോ​കു​ന്ന​വ​ർ​ക്കും ഓ​വു​ചാ​ൽ ഭീ​ഷ​ണി​യാ​വു​ക​യാ​ണ്. ന​ഗ​ര​സ​ഭ അ​ധി​കൃ​ത​ർ ഇ​ട​പെ​ട്ട് പു​തി​യ സ്ലാ​ബ് സ്ഥാ​പി​ച്ച് പ്ര​ശ്ന​പ​രി​ഹാ​രം കാ​ണ​മെ​ന്നാ​ണ് സ​മീ​പ​ത്തെ വ്യാ​പാ​രി​ക​ളു​ടെ ആ​വ​ശ്യം.