പാചകവാതകം: മഹിളാ കോൺഗ്രസ് പ്രതിഷേധിച്ചു

കൊല്ലം: സാധാരണ ജനങ്ങളുടെ അടുക്കള പൂട്ടിക്കുന്ന നരേന്ദ്ര മോദി ഭരണം ജനങ്ങൾക്ക് ശാപമായെന്ന് എ.ഐ.സി.സി അംഗം ബിന്ദുകൃഷ്ണ പറഞ്ഞു. പാചക വാതക വിലവർധനക്കെതിരെ മഹിളാ കോൺഗ്രസ്​ ജില്ല കമ്മിറ്റി നടത്തിയ പ്രതിഷേധ പ്രകടനവും ധർണയും ചിന്നക്കട ഹെഡ് പോസ്റ്റ്​ ഓഫിസ്​ പടിക്കൽ ഉദ്ഘാടനം ചെയ്യുകയായിരുന്നു അവർ. മഹിള കോൺഗ്രസ്​ ജില്ല പ്രസിഡന്‍റ്​ ഗീത ശിവൻ അധ്യക്ഷത വഹിച്ചു. ഓർഗനൈസിങ്​ സെക്രട്ടറി യു. വഹീദ, ജന. സെക്രട്ടറിമാരായ എൽ.കെ. ശ്രീദേവി, പൊന്നമ്മ മഹേശൻ, സിന്ധുഗോപൻ, ബിൻസി വിനോദ്, ഗിരിജ രാമകൃഷ്ണൻ, ജലജ ശ്രീകുമാർ, ജലജ കുമാരി, ബേബി സലീന, സുവർണ, ​ഗ്രേയ്സ്​, സുനിത, ജയശ്രീ, ലത മോഹൻദാസ്​, ഹക്കീമ തുടങ്ങിയവർ സംസാരിച്ചു. ജില്ല സമ്മേളനം കൊല്ലം: കേരള വാട്ടര്‍ അതോറിറ്റി പെന്‍ഷനേഴ്സ് അസോസിയേഷന്‍ ജില്ല സമ്മേളനം 12ന് രാവിലെ 10ന്​ കൊല്ലം ജലഭവനിൽ അസോസിയേഷന്‍ സംസ്ഥാന വൈസ് പ്രസിഡന്‍റ് തറയില്‍ ശശി ഉദ്ഘാടനം ചെയ്യും. ജില്ല പ്രസിഡന്‍റ് എ.ഡി. ബാബുരാജ് അധ്യക്ഷത വഹിക്കും. എ.കെ. രാജന്‍ മുഖ്യപ്രഭാഷണം നടത്തും.