ആര്യങ്കാവിൽ മയക്കുമരുന്നും കഞ്ചാവുമായി രണ്ട്​ യുവാക്കൾ പിടിയിൽ

പുനലൂർ: കാറിൽ കടത്തിയ മാരക മയക്കുമരുന്നും കഞ്ചാവുമായി രണ്ട്​ യുവാക്കളെ ആര്യങ്കാവ് എക്സൈസ് ചെക് പോസ്റ്റ് സംഘം അറസ്റ്റ് ചെയ്തു. തിരുവനന്തപുരം വള്ളക്കടവ് സുലൈമാൻ സ്ട്രീറ്റിൽ ഷാജു (23), അൽഅമീൻ (22)എന്നിവരാണ് പിടിയിലായത്. തിങ്കളാഴ്ച രാവിലെ 10.30 ഓടെയാണ് സംഭവം. ബംഗളൂരുവിൽ നിന്ന്​ തമിഴ്നാട് വഴി തിരുവനന്തപുരത്തേക്ക് സിഫ്റ്റ് കാറിലാണ്​ സംഘം എത്തിയത്. 0.64 ഗ്രാം എൻ.ഡി.എൻ.എ മയക്കുമരുന്നും 90 ഗ്രാം കഞ്ചാവും കാറിൽ നിന്ന്​ കണ്ടെടുത്തു. സി.ഐ അനിൽകുമാറിന്‍റെ നേതൃത്വത്തിലായിരുന്നു മയക്കുമരുന്നും കഞ്ചാവും പിടികൂടിയത്.