മനുഷ്യക്കടത്ത് : ബോട്ട്​ വാങ്ങിയത് കുളത്തൂപ്പുഴ സ്വദേശിനിയെ തെറ്റിദ്ധരിപ്പിച്ചെന്ന്

കു​ള​ത്തൂ​പ്പു​ഴ: മ​ത്സ്യ​ബ​ന്ധ​ന​ത്തി​നെ​ന്ന പേ​രി​ല്‍ കൊ​ല്ല​ത്തു​നി​ന്ന് കു​ള​ത്തൂ​പ്പു​ഴ സ്വ​ദേ​ശി​യു​ടെ പേ​രി​ല്‍ ബോ​ട്ട് വാ​ങ്ങി​യ​ത് യു​വ​തി​യെ തെ​റ്റി​ദ്ധ​രി​പ്പി​ച്ചാ​ണെ​ന്ന് സൂ​ച​ന. ബോ​ട്ട് കാ​ണാ​താ​യെ​ന്ന ത​മി​ഴ്നാ​ട് സ്വ​ദേ​ശി​യു​ടെ പ​രാ​തി ല​ഭി​ച്ച​തി​നെ​തു​ട​ര്‍ന്നു​ള്ള അ​ന്വേ​ഷ​ണ​ത്തി​ലാ​ണ് ബോ​ട്ടി​െൻറ യ​ഥാ​ര്‍ഥ ഉ​ട​മ കു​ള​ത്തൂ​പ്പു​ഴ സ്വ​ദേ​ശി യു​വ​തി​യാ​ണെ​ന്ന്​ ക​ണ്ടെ​ത്തി​യ​ത്. തു​ട​ര്‍ന്ന് കു​ള​ത്തൂ​പ്പു​ഴ പൊ​ലീ​സി​െൻറ സ​ഹാ​യ​ത്തോ​ടെ ആ​ര്‍.​പി.​എ​ല്‍ ച​ന്ദ​ന​ക്കാ​വ് ര​മ​ണി ക്വാ​ര്‍ട്ടേ​ഴ്സി​ലെ താ​മ​സ​ക്കാ​രി​യാ​യ ഈ​ശ്വ​രി​യെ ക​ണ്ടെ​ത്തി ചോ​ദ്യം ചെ​യ്തു.

ശ്രീ​ല​ങ്ക​യി​ല്‍നി​ന്ന് 1982ൽ ​കു​ള​ത്തൂ​പ്പു​ഴ ആ​ര്‍.​പി.​എ​ല്‍ എ​സ്​​റ്റേ​റ്റി​ല്‍ പു​ന​ര​ധി​വ​സി​പ്പി​ക്ക​പ്പെ​ട്ട ത​മി​ഴ് കു​ടും​ബ​ത്തി​ലെ അം​ഗ​മാ​ണ് ഈ​ശ്വ​രി. ത​െൻറ ഭ​ര്‍തൃ​സ​ഹോ​ദ​ര​ പു​ത്ര​നാ​യ തി​രു​ച്ചി സ്വ​ദേ​ശി നി​ധി​െൻറ നി​ര്‍ദേ​ശാ​നു​സ​ര​ണം മീ​ന്‍പി​ടി​ത്ത​ത്തി​നാ​യി കൊ​ല്ല​ത്തു​നി​ന്ന്​ ബോ​ട്ടു വാ​ങ്ങു​ന്ന​തി​ന്​ ആ​ധാ​ര്‍ ന​ല്‍കി​യ​താ​യി മൊ​ഴി ന​ൽ​കി. ഈ ​സ​ഹാ​യ​ത്തി​നാ​യി എ​ണ്ണാ​യി​രം രൂ​പ നി​ധി​ന്‍ ന​ല്‍കി​യ​താ​യും ഈ​ശ്വ​രി പ​റ​ഞ്ഞു. കു​ള​ത്തൂ​പ്പു​ഴ​യി​ല്‍നി​ന്ന്​ ടാ​ക്സി കാ​റി​ല്‍ കൊ​ല്ല​ത്തെ​ത്തി​യ ത​ന്നെ ബ​സ് സ്​​റ്റാ​ന്‍ഡി​ന്​ സ​മീ​പ​ത്തു​നി​ന്ന്​ നി​ധി​െൻറ നേ​തൃ​ത്വ​ത്തി​ല്‍ മ​റ്റൊ​രു കാ​റി​ലാ​ണ് ശ​ക്തി​കു​ള​ങ്ങ​ര​യി​ലേ​ക്ക് കൊ​ണ്ടു​പോ​യ​തെ​ന്നും ഒ​പ്പി​ട്ട​ശേ​ഷം തി​രി​കെ അ​തേ കാ​റി​ല്‍ ബ​സ്​ സ്​​റ്റാ​ന്‍ഡി​ലേ​ക്ക് തി​രി​കെ എ​ത്തി​ച്ച​താ​യും ഈ​ശ്വ​രി വ്യ​ക്ത​മാ​ക്കു​ന്നു.

കൊ​ല്ല​ത്തു​നി​ന്ന്​ രാ​മേ​ശ്വ​ര​ത്തെ​ത്തി​ച്ച ബോ​ട്ടി​ല്‍ ദീ​ര്‍ഘ​യാ​ത്ര​ക്കാ​വ​ശ്യ​മാ​യ ഇ​ന്ധ​ന​വും ഭ​ക്ഷ​ണ സാ​ധ​ന​ങ്ങ​ളും ശേ​ഖ​രി​ക്കു​ന്ന​തി​നും ആ​ളു​ക​ള്‍ക്ക് കി​ട​ക്കു​ന്ന​തി​നു​ള്ള സൗ​ക​ര്യ​ങ്ങ​ളും മ​റ്റും ര​ഹ​സ്യ​മാ​യി ഒ​രു​ക്കു​ക​യും നി​റ​വും പേ​രും മാ​റ്റി ഉ​പ​യോ​ഗി​ച്ച​താ​യും ക​ണ്ടെ​ത്തി​യി​ട്ടു​ണ്ട്. ത​മി​ഴ്നാ​ട്ടി​ല്‍നി​ന്ന്​ ക​ട​ല്‍മാ​ർ​ഗം ആ​സ്ട്രേ​ലി​യ​യി​ലേ​ക്കും കാ​ന​ഡ അ​ട​ക്ക​മു​ള്ള മ​റ്റ്​ യൂ​റോ​പ്യ​ന്‍ രാ​ജ്യ​ങ്ങ​ളി​ലേ​ക്കും മ​നു​ഷ്യ​ക്ക​ട​ത്തി​ന്​ ഉ​പ​യോ​ഗി​ക്കു​ന്ന​തി​നാ​യാ​ണ് ബോ​ട്ട് സം​ഘം വാ​ങ്ങി​യ​തെ​ന്നു​ള്ള നി​ഗ​മ​ന​ത്തി​െൻറ അ​ടി​സ്ഥാ​ന​ത്തി​ലു​ള്ള അ​ന്വേ​ഷ​ണ​വു​മാ​യാ​ണ് ത​മി​ഴ്നാ​ട് പൊ​ലീ​സ് മു​ന്നോ​ട്ട് പോ​കു​ന്ന​ത്. ര​ഹ​സ്യാ​ന്വേ​ഷ​ണ​വി​ഭാ​ഗ​ത്തി​െൻറ ശ്ര​ദ്ധ​യി​ല്‍പെ​ടാ​തെ ബോ​ട്ട് കു​ള​ച്ച​ലി​ലേ​ക്കെ​ത്തി​ക്കു​ന്ന​തി​ന്​ കൊ​ല്ല​ത്ത് പ്രാ​ദേ​ശി​ക​മാ​യി മ​റ്റു പ​ല​രു​ടെ​യും സ​ഹാ​യം സം​ഘ​ത്തി​ന്​ ല​ഭി​ച്ചി​ട്ടു​ണ്ടെ​ന്നും ഇ​ക്കൂ​ട്ട​രെ ക​ണ്ടെ​ത്തു​ന്ന​തി​നു​ള്ള ഊ​ർ​ജി​ത ശ്ര​മ​ത്തി​ലു​മാ​ണ് അ​ന്വേ​ഷ​ണ​സം​ഘം.