സഹപാഠിക്ക് വീടൊരുക്കാന്‍ ഒറ്റമനസ്സോടെ കൂട്ടുകാർ

കു​ണ്ട​റ: അ​മ്മ​യെ കൂ​ട്ടി​​ക്കൊ​ണ്ടു​വ​രാ​ൻ പ​റ​ഞ്ഞ അ​ധ്യാ​പി​ക​ക്ക്​ മു​ന്നി​ൽ ഉ​ടു​ത്തു​വ​രാ​ൻ അ​മ്മ​ക്ക്​ ഒ​രു സാ​രി പോ​ലു​മി​ല്ലാ​ത്ത വീ​ടി​ന്‍റെ നി​സ്സഹാ​യാ​വ​സ്ഥ പ​റ​ഞ്ഞ മ​ക​ൾ. അ​വ​ൾ​ക്കൊ​പ്പം വീ​ട​ന്വേ​ഷി​ച്ചെ​ത്തി​യ അ​ധ്യാ​പി​ക ക​ണ്ട​ത്​ വെ​ള്ള​ച്ചാ​ലി​നൊ​ടു​വി​ൽ ക​ത​കി​ല്ലാ​ത്ത ഒ​റ്റ​മു​റി വീ​ട്.

മു​ട്ടൊ​പ്പം വെ​ള്ള​ത്തി​ൽ ച​വി​ട്ടി വീ​ട്ടി​ൽ ക​യ​റി​യ​പ്പോ​ൾ അ​ക​ത്ത്​ അ​ഴ​യി​ല്‍ തൂ​ക്കി​യി​ട്ടി​രു​ന്ന തു​ണി​ക​ളി​ല്‍ സാ​രി​യി​ല്ലാ​യി​രു​ന്നു. അ​ടു​ക്ക​ള​യി​ല്‍ ചെ​റി​യ മൂ​ന്നു നാ​ല് പാ​ത്ര​ങ്ങ​ള്‍, ക​ല്ല​ടു​പ്പി​ല്‍ അ​ലൂ​മി​നി​യം ച​രു​വം...​ഇ​താ​യി​രു​ന്നു കൂ​ലി​പ്പ​ണി​ക്കാ​ര​നാ​യ പി​താ​വും സു​ഖ​മി​ല്ലാ​ത്ത അ​മ്മ​യും ഐ.​ടി.​ഐ വി​ദ്യാ​ർ​ഥി​നി​യാ​യ മ​ക​ളും അ​ട​ങ്ങു​ന്ന കു​ടും​ബ​ത്തി​ന്‍റെ സ​മ്പാ​ദ്യം.

ച​ന്ദ​ന​ത്തോ​പ്പ്​ ബി.​ടി.​സി​യി​ലെ അ​ധ്യാ​പ​ക​ര്‍ക്ക് പി​ന്നാ​ലെ അ​വ​ളു​ടെ കൂ​ട്ടു​കാ​രും വീ​ടു കാ​ണാ​ന്‍ പോ​യി. സ​ഹ​പാ​ഠി​യു​ടെ ജീ​വി​ത​ചി​ത്രം ക​ണ്ട അ​വ​ർ ഒ​ത്തൊ​രു​മി​ച്ച്​ അ​വ​ൾ​ക്കാ​യി വീ​ടെ​ന്ന ല​ക്ഷ്യ​ത്തി​നി​റ​ങ്ങി. ധ​ന​സ​മാ​ഹ​ര​ണ​ത്തി​നും നി​ർ​മാ​ണ​ത്തി​നും ഓ​രോ ക​മ്മി​റ്റി​ക​ള്‍ രൂ​പ​വ​ത്​​ക​രി​ച്ചു. വ​ണ്‍ ഡേ, ​വ​ണ്‍ റു​പ്പി, വ​ണ്‍ ഷെ​ല്‍ട്ട​ര്‍ എ​ന്നി​ങ്ങ​നെ പ​ദ്ധ​തി​ക​ളു​മാ​യി നൂ​റോ​ളം വി​ദ്യാ​ർ​ഥി​ക​ള്‍ ഇ​റ​ങ്ങി​​യ​തോ​ടെ സ​ഹ​പാ​ഠി​ക്കാ​യി വീ​ട്​ ഒ​രു​ങ്ങു​ക​യാ​ണ്. വെ​ള്ള​ക്കെ​ട്ട് നി​ക​ത്ത​ൽ ക​ഴി​ഞ്ഞു. ഇ​നി വീ​ടും വീ​ട്ടു​സാ​മ​ഗ്രി​ക​ളും ശു​ചി​മു​റി​യു​മാ​ണ്​ വേ​ണ്ട​ത്.

അ​തി​നു​ള്ള പ്ര​വ​ര്‍ത്ത​ന​ങ്ങ​ളി​ലാ​ണ്​ ച​ന്ദ​ന​ത്തോ​പ്പ്​ ബി.​ടി.​സി വി​ദ്യാ​ർ​ഥി​ക​ളും അ​ധ്യാ​പ​ക​രും. അ​തി​നാ​യി സു​മ​ന​സ്സു​ക​ളു​ടെ സ​ഹാ​യം തേ​ടു​ക​യാ​ണ്​ അ​വ​ർ. ​പ്രി​ന്‍സി​പ്പ​ൽ ടെ​ന്നി​സ​ണ്‍ നെ​ല്‍സ​ണി​ന്‍റെ 9995879699 ന​മ്പ​റി​ൽ ഗൂ​ഗി​ള്‍ പേ ​വ​ഴി സ​ഹാ​യം ന​ൽ​കു​ക​യും സ്ക്രീ​ൻ ഷോ​ട്ട്​ അ​യ​ക്കു​ക​യും വേ​ണ​മെ​ന്ന​ അ​ഭ്യ​ർ​ഥ​ന​യാ​ണ്​ വി​ദ്യാ​ർ​ഥി​ക​ൾ​ക്കു​ള്ള​ത്.