സമയത്തെച്ചൊല്ലി സ്വകാര്യ ബസ് ജീവനക്കാർ തമ്മിൽ തർക്കം

പൊൻകുന്നം: പൊൻകുന്നം ബസ്​ സ്​റ്റാൻഡിൽ സമയത്തെച്ചൊല്ലി തർക്കത്തെതുടർന്ന് സ്വകാര്യ ബസ് ജീവനക്കാർ തമ്മിൽ കയ്യാങ്കളിയുടെ വക്കിലെത്തി. സ്വകാര്യ ബസ് ഡ്രൈവറായ പൂവരണി സ്വദേശി അതുൽ കൃഷ്ണനെ (25) അറസ്​റ്റ്​​ ചെയ്തു. ഇയാളെ പിന്നീട് ജാമ്യത്തിൽ വിട്ടയച്ചു. വെള്ളിയാഴ്​ച ഉച്ചക്ക് ഒന്നരയോടെ രണ്ടു സ്വകാര്യബസുകൾ ബസ് സ്​റ്റാൻഡിൽ കയറിയതോടെയാണ് പ്രശ്‌നങ്ങളുടെ തുടക്കം. ഇരുബസുകളിലെയും ജീവനക്കാർ തമ്മിൽ അസഭ്യവർഷം തുടങ്ങി. പാലായിൽ നിന്നും എരുമേലിക്ക് പോയ ടുട്ടു എന്ന സ്വകാര്യ ബസും മുണ്ടക്കയത്തിനുള്ള കെ.എസ്.ആർ.ടി.സിയും പൊൻകുന്നം വരെയുള്ള നിരപ്പേൽ എന്ന സ്വകാര്യ ബസും പാലാ റൂട്ടിൽനിന്ന് 1.15 ഓടെ സ്​റ്റാൻഡിൽ കയറി വന്നിരുന്നു. ആദ്യം കയറി വന്ന ടുട്ടു എന്ന ബസി​ൻെറ മുന്നിൽ നിരപ്പേൽ എന്ന ബസ് വിലങ്ങിയിട്ട് ഡ്രൈവർ അതുൽ ഇറങ്ങി സമയം തെറ്റി നേരത്തെ സ്​റ്റാൻഡിൽ വന്നുവെന്ന് ആരോപിച്ച് ഡ്രൈവറെ ​ൈകയേറ്റം ചെയ്യാൻ ശ്രമിക്കുകയും സ്​റ്റാൻഡിൽ ഡ്യൂട്ടിയിൽ ഉണ്ടായിരുന്ന ഹോംഗാർഡ് ശ്രീകുമാറിനെ അധിക്ഷേപിക്കുകയും ചെയ്തു. കഴിഞ്ഞ ദിവസങ്ങളിലും സ്വകാര്യബസുകാർ തമ്മിൽ അസഭ്യവർഷം നടന്നിരുന്നു. പാലാ റൂട്ടിലെ ബസുകളാണ് സമയത്തെച്ചൊല്ലി തർക്കം. KTL VZR 3 Bus Staff Arrest Ponkunnam പൊൻകുന്നം ബസ് സ്​റ്റാൻഡിൽ സ്വകാര്യ ബസുകാർ തമ്മിൽ തർക്കമുണ്ടായതിനെ തുടർന്ന് ആൾക്കാർ തടിച്ചുകൂടിയപ്പോൾ