ലഹരിക്കെതിരെ ബോധവത്​കരണ ഫുട്​​ബാള്‍ ടൂര്‍ണമെന്‍റ്​

ചങ്ങനാശ്ശേരി: വര്‍ധിച്ചുവരുന്ന ലഹരി ഉപയോഗത്തിനെതിരെ ബോധവത്​കരണം ലക്ഷ്യമിട്ട്​ വിമുക്തി മിഷന്‍റെ സഹകരണത്തോടെ സ്റ്റുഡന്‍റ്​ പൊലീസ് കാഡറ്റുകളുടെ നേതൃത്വത്തിൽ ചങ്ങനാശ്ശേരിയില്‍ ഫുട്​ബാൾ ടൂർണമെന്‍റ്​ നടത്തുന്നു. രണ്ടുദിവസം നീളുന്ന ടൂര്‍ണമെന്‍റിന്​ തിങ്കളാഴ്ച തുടക്കമാകും. വൈകീട്ട്​ മൂന്നിന്​ ചടങ്ങനാശ്ശേരി മുനിസിപ്പല്‍ സ്റ്റേഡിയത്തില്‍ ടൂര്‍ണമെന്‍റിന്‍റെ ഉദ്​ഘാടനം ഡിവൈ.എസ്.പി ആര്‍. ശ്രീകുമാര്‍ നിർവഹിക്കും. സര്‍ക്കിള്‍ ഇന്‍സ്‌പെക്ടര്‍ റിച്ചാർഡ് വര്‍ഗീസ് അധ്യക്ഷത വഹിക്കും. എക്‌സൈസ് ഇന്‍സ്‌പെക്ടര്‍ സി.പി. പ്രവീണ്‍ ലഹരിവിരുദ്ധ സന്ദേശം നല്‍കും.