പോളയും പുല്ലും മൂടി എ.സി കനാൽ; മനക്കച്ചിറ ടൂറിസം പദ്ധതി നാശത്തിലേക്ക്​

ച​ങ്ങ​നാ​ശ്ശേ​രി: കോ​ടി​ക​ൾ ചെ​ല​വ​ഴി​ച്ച എ.​സി ക​നാ​ലി​ലെ മ​ന​ക്ക​ച്ചി​റ ടൂ​റി​സം പ​ദ്ധ​തി പോ​ള​യും പു​ല്ലും മൂ​ടി. മു​മ്പ്​ ഇ​റി​ഗേ​ഷ​ൻ വ​കു​പ്പി​ന്‍റെ​യും ന​ഗ​ര​സ​ഭ​യു​ടെ​യും നേ​തൃ​ത്വ​ത്തി​ൽ ക​നാ​ലി​ലെ പോ​ള നീ​ക്കി​യി​രു​ന്നെ​ങ്കി​ലും പി​ന്നീ​ട്, ആ​രും തി​രി​ഞ്ഞു​നോ​ക്കാ​താ​യി. എ.​സി ക​നാ​ലി​ന്‍റെ ന​ടു​വി​ൽ ടൂ​റി​സം പ​ദ്ധ​തി​ക്കാ​യി പ​ണി​ത പ​വി​ലി​യ​നു​ക​ളും നാ​ശ​ത്തി​ന്റെ വ​ക്കി​ലാ​ണ്. ചു​റ്റു​മ​തി​ലും മ​റ്റും ഇ​ട​ക്കാ​ല​ത്ത് ന​വീ​ക​ര​ണ​ത്തി​ന്റെ ഭാ​ഗ​മാ​യി അ​റ്റ​കു​റ്റ​പ്പ​ണി ന​ട​ത്തി​യി​രു​ന്നു.

പോ​ള​ക്ക്​ പു​റ​മെ പ്ലാ​സ്റ്റി​ക് കു​പ്പി​ക​ളും മാ​ലി​ന്യ​വും നി​റ​ഞ്ഞ് കി​ട​ക്കു​ക​യാ​ണ്. എ.​സി റോ​ഡി​ന്റെ ന​വീ​ക​ര​ണ പ്ര​വ​ർ​ത്ത​ങ്ങ​ളു​ടെ ഭാ​ഗ​മാ​യി മ​ന​ക്ക​ച്ചി​റ​യു​ടെ പ്ര​ധാ​ന ഗേ​റ്റ് ഉ​ൾ​പ്പെ​ടെ അ​ട​ച്ചി​ട്ട നി​ല​യി​ലാ​ണ്. ഇ​തോ​ടെ, ഇ​ങ്ങോ​ട്ടേ​ക്ക് സ​ന്ദ​ർ​ശ​ക​രും എ​ത്താ​താ​യി. സാ​മൂ​ഹി​ക​വി​രു​ദ്ധ​രു​ടെ താ​വ​ള​മാ​യും ഇ​വി​ടം മാ​റി.

മ​ന​ക്ക​ച്ചി​റ ടൂ​റി​സം പ​ദ്ധ​തി​ക്ക്​ പു​റ​മെ ക​നാ​ലി​ലെ പോ​ള​ക​ൾ വാ​രി​മാ​റ്റാ​ൻ കോ​ടി​ക​ളാ​ണ് ചെ​ല​വാ​ക്കു​ന്ന​ത്. പോ​ള വ​ർ​ധി​ക്കു​ന്ന​തി​നു മു​മ്പ് നീ​ക്കാ​ൻ ആ​ളെ നി​യ​മി​ക്കു​മെ​ന്നും ക​നാ​ൽ സം​ര​ക്ഷി​ക്കു​മെ​ന്നും വാ​ഗ്ദാ​ന​ങ്ങ​ൾ ന​ട​ത്തി​യെ​ങ്കി​ലും ന​ട​പ്പാ​യി​ല്ല.

എ.​സി ക​നാ​ലി​ൽ ന​ട​ന്നി​രു​ന്ന ച​ങ്ങ​നാ​ശ്ശേ​രി ജ​ലോ​ത്സ​വം ന​ട​ക്കാ​താ​യ​തോ​ടെ, പോ​ള​യി​ൽ​നി​ന്നും ക​നാ​ലി​ന് മോ​ക്ഷ​വും ല​ഭി​ക്കാ​താ​യി.

മു​മ്പ്​ പോ​ള മാ​ത്ര​മാ​യി​രു​ന്നു ക​നാ​ലി​ന് ശാ​പം എ​ങ്കി​ൽ ഇ​പ്പോ​ൾ പ​ട​ർ​ന്ന് പ​ന്ത​ലി​ച്ച് പു​ല്ലും ചെ​റു​മ​ര​ങ്ങ​ളും നി​റ​ഞ്ഞ​തോ​ടെ നീ​രൊ​ഴു​ക്ക് നി​ല​ച്ചു. ഇ​വ നീ​ക്കു​ക​യാ​ണെങ്കിൽ കി​ട​ങ്ങ​റാ​ക്ക് മു​മ്പു​ള്ള ചെ​റു കൈ​വ​ഴി​ക​ളി​ലൂ​ടെ കൂ​ടു​ത​ൽ വെ​ള്ളം ഒ​ഴു​കി​പ്പോ​വു​മാ​യി​രു​ന്നു.

ക​നാ​ലി​ലെ നീ​രൊ​ഴു​ക്ക് ത​ട​സ്സ​പ്പെ​ട്ട​തും ക​ഴി​ഞ്ഞ ദി​വ​സം പെ​യ്ത മ​ഴ​യെ തു​ട​ർ​ന്ന് ഒ​ഴു​കി​യെ​ത്തി​യ കി​ഴ​ക്ക​ൻ വെ​ള്ളം താ​ഴാ​ത്ത​തി​ന് കാ​ര​ണ​മാ​കു​ന്നു​ണ്ട്. ആ​റി​ന് തീ​ര​ത്താ​യി നി​ര​വ​ധി കു​ടും​ബ​ങ്ങ​ളാ​ണ് താ​മ​സി​ക്കു​ന്ന​ത്. പോ​ള​യും പു​ല്ലും അ​ഴു​കു​ന്ന മ​ലി​ന​ജ​ല​മാ​ണ് പ്ര​ദേ​ശ​വാ​സി​ക​ൾ പ്രാ​ഥ​മി​കാ​വ​ശ്യ​ങ്ങ​ൾ​ക്ക്​ ഉ​പ​യോ​ഗി​ക്കു​ന്ന​ത്.

ക​നാ​ലി​ലെ കാ​ട് കൂ​ടു​ത​ൽ ഉ​യ​ര​ത്തി​ൽ വ​ള​ർ​ന്ന​തോ​ടെ എ.​സി റോ​ഡി​ൽ​നി​ന്ന്​ നോ​ക്കി​യാ​ൽ അ​ക്ക​രെ​യു​ള്ള വീ​ടു​ക​ൾ കാ​ണാ​ൻ ക​ഴി​യാ​ത്ത സ്ഥി​തി​യാ​ണ്, ക​നാ​ൽ എ​ത്ര​യും വേ​ഗം വൃ​ത്തി​യാ​ക്കി നീ​രൊ​ഴു​ക്ക് സു​ഗ​മ​മാ​ക്കി ഉ​പ​യോ​ഗ​യോ​ഗ്യ​മാ​ക്ക​ണ​മെ​ന്നാ​ണ്​ ഇ​രു​ക​ര​യി​ലും താ​മ​സി​ക്കു​ന്ന കു​ടും​ബ​ങ്ങ​ൾ ആ​വ​ശ്യ​പ്പെ​ടു​ന്ന​ത്.