മിനിലോറി നിയന്ത്രണംവിട്ട് നിർത്തിയിട്ട കാറിലിടിച്ച് അപകടം

ചങ്ങനാശ്ശേരി: എം.സി റോഡിൽ തുരുത്തിയിൽ മിനി ലോറി നിയന്ത്രണംവിട്ട് നിർത്തിയിട്ടിരുന്ന കാറിലിടിച്ച് അപകടം. വെള്ളിയാഴ്ച ഉച്ചക്ക് 12 ഓടെ തുരുത്തി കാന ഭാഗത്തായിരുന്നു അപകടം.

കോട്ടയം ഭാഗത്തുനിന്നും ചങ്ങനാശ്ശേരി ഭാഗത്തേക്ക് വാഴക്കുലയുമായെത്തിയ മിനി ലോറി ദിശതെറ്റിച്ചെത്തിയ ബൈക്കിലിടിക്കാതിരിക്കാൻ വെട്ടിക്കുന്നതിനിടെ നിയന്ത്രണം വിട്ട് റോഡരികിൽ പാർക്ക് ചെയ്തിരുന്ന കാറിലിടിക്കുകയായിരുന്നു. പരിക്കേറ്റവരെ ചങ്ങനാശ്ശേരി ജനറൽ ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.