ചു​ണ്ടി​നും ക​പ്പി​നും ഇ​ട​യി​ൽ പ​ട്ട​യം വ​ഴു​തി

പ​ട്ട​യം ല​ഭി​ക്ക​ൽ ചു​ണ്ടി​നും ക​പ്പി​നും ഇ​ട​യി​ൽ വ​ഴു​തി​യ ക​ഥ​യാ​ണ്​ ഏ​റ്റ​വും ഒ​ടു​വി​ല​ത്തേ​ത്. അ​നു​കൂ​ല​മാ​യി ഹൈ​കോ​ട​തി വി​ധി ഉ​ണ്ടാ​യി​ട്ടും തൊ​ടു ന്യാ​യ​ങ്ങ​ൾ പ​റ​ഞ്ഞ്​ അ​പ്പീ​ൽ​പോ​യി നാ​ട്ടു​കാ​രു​ടെ പ​ട്ട​യ സാ​ധ്യ​ത ഇ​ല്ലാ​താ​ക്കു​ക​യാ​യി​രു​ന്നു ക​ഴി​ഞ്ഞ പി​ണ​റാ​യി സ​ർ​ക്കാ​ർ.

വ​ന​ഭൂ​മി​യും തോ​ട്ട​ഭൂ​മി​യു​മെ​ല്ലാം തോ​ട്ട ഉ​ട​മ​ക​ൾ​ക്കും വ​ൻ​കി​ട ഭൂ ​ഉ​ട​മ​ക​ൾ​ക്കും യ​ഥേ​ഷ്ടം ഉ​പ​യോ​ഗി​ക്കാ​ൻ ഭൂ​പ​രി​ഷ്ക​ര​ണ നി​യ​മ​ത്തി​ൽ പ​ഴു​തു​ക​ൾ ഉ​ണ്ടാ​ക്കാ​ൻ വ്യ​ഗ്ര​ത കാ​ണി​ക്കു​ന്ന സ​ർ​ക്കാ​റാ​ണ്​ പാ​വ​ങ്ങ​ൾ​ക്ക്​ ഭൂ​മി സ്വ​ന്ത​മാ​കു​ന്ന വി​ധി അ​ട്ടി​മ​റി​ച്ച​ത്.

ര​വീ​ന്ദ്ര​ൻ പ​ട്ട​യം വെ​ളു​പ്പി​ച്ചു​ന​ൽ​കാ​ൻ ന​ട​പ​ടി​യെ​ടു​ക്കു​ന്ന അ​തേ സ​ർ​ക്കാ​റാ​ണ്​ പൊ​ന്ത​ൻ​പു​ഴ​യി​ൽ പാ​വ​ങ്ങ​ൾ​ക്ക്​ പ​ട്ട​യം ന​ൽ​കാ​നു​ള്ള അ​വ​സ​രം അ​ട്ടി​മ​റി​ച്ച​തെ​ന്നും സ​മ​ര​സ​മി​തി ചൂ​ണ്ടി​ക്കാ​ട്ടു​ന്നു.

ഒ​ന്നാം പി​ണ​റാ​യി സ​ർ​ക്കാ​ർ കേസ്​ അട്ടിമറിച്ചു

ഒ​ന്നാം പി​ണ​റാ​യി സ​ർ​ക്കാ​റി‍െൻറ കാ​ല​ത്ത്​ ന​ട​ന്ന ആ ​അ​ട്ടി​മ​റി ക​ഥ​യി​ങ്ങ​നെ​യാ​ണ്​: വ​ലി​യ​കാ​വ്, ആ​ല​പ്ര, ക​രി​ക്കാ​ട്ടൂ​ർ എ​ന്നീ വ​ന​ങ്ങ​ളു​ടെ ഉ​ട​മ​സ്ഥ​ത സം​ബ​ന്ധി​ച്ച ഒ​രു നൂ​റ്റാ​ണ്ടി​നു​മേ​ൽ പ​ഴ​ക്ക​മു​ള്ള വ്യ​വ​ഹാ​ര പ​ര​മ്പ​ര​യാ​ണ് പൊ​ന്ത​ൻ​പു​ഴ വ​നം കേ​സ്. കേ​ര​ള സ​ർ​ക്കാ​റും ഏ​ഴു​മ​റ്റൂ​ർ നെ​യ്ത​ല്ലൂ​ർ കോ​വി​ല​ക​വും തു​ട​ങ്ങി​വെ​ച്ച ഈ ​നി​യ​മ​പോ​രാ​ട്ടം കേ​ര​ള​ത്തി​ലെ ഏ​റ്റ​വും പ​ഴ​ക്കം​ചെ​ന്ന സി​വി​ൽ വ്യ​വ​ഹാ​ര​മാ​ണ്. 7000 ഏ​ക്ക​റോ​ളം വ​രു​ന്ന നി​ബി​ഡ വ​നം സ്വ​ന്ത​മാ​ക്കാ​ൻ 283 സ​മ്പ​ന്ന​രാ​യ സ്വ​കാ​ര്യ വ്യ​ക്തി​ക​ൾ സം​യു​ക്ത​മാ​യി സ​ർ​ക്കാ​റി​നോ​ട് പ​ട​വെ​ട്ടു​ന്നു.

ആ ​സം​ഘ​ത്തി​ൽ മൂ​ന്നാ​ർ മു​ത​ൽ ആ​ല​പ്പു​ഴ​വ​രെ​യും കൊ​ല്ലം മു​ത​ൽ ഹോ​സ്ദു​ർ​ഗ് വ​രെ​യു​മു​ള്ള വ്യ​ക്തി​ക​ൾ, ട്ര​സ്റ്റു​ക​ൾ സൊ​സൈ​റ്റി​ക​ളു​ണ്ട്. ഇ​വ​രു​ടെ നേ​താ​വ്​ പാ​ലാ സ്വ​ദേ​ശി പ​രി​പ്പി​ൽ ഈ​റ്റ​തോ​ട്ട​ത്തി​ൽ ചെ​റി​യ​ത് ജോ​സ​ഫാ​ണ്. ഇ​ദ്ദേ​ഹം മ​ധ്യ​കേ​ര​ള​ത്തി​ലെ പ്ര​മു​ഖ രാ​ഷ്ട്രീ​യ നേ​താ​വി‍െൻറ ബ​ന്ധു​വാ​ണ്.

മ​റ്റൊ​രാ​ൾ പ​ത്ത​നം​തി​ട്ട​യി​ലെ കോ​ൺ​ഗ്ര​സ്​ നേ​താ​വാ​ണ്. സ​ർ​ക്കാ​റി​നോ​ട്​ പ​ട​വെ​ട്ടു​ന്ന 283പേ​രി​ൽ വ​ലി​യ​കാ​വ് വ​നം ഭൂ​രി​ഭാ​ഗ​വും സ്ഥി​തി​ചെ​യ്യു​ന്ന പെ​രു​മ്പെ​ട്ടി വി​ല്ലേ​ജി​ൽ​നി​ന്ന്​ ആ​രു​മി​ല്ല. വ​ന​വു​മാ​യി അ​തി​ർ​ത്തി പ​ങ്കി​ടു​ന്ന​വ​രാ​യും ആ​രു​മി​ല്ല.

കോ​ട​തി നി​ശ്ച​യി​ച്ച വി​വി​ധ ക​മീ​ഷ​നു​ക​ൾ സ്ഥ​ല​ം സ​ന്ദ​ർ​ശ​ിച്ചപ്പോ​ൾ ത​ങ്ങ​ളു​ടെ ഭൂ​മി എ​വി​ടെ​യാ​ണെ​ന്ന് കാ​ണി​ച്ചു​കൊ​ടു​ക്കാ​ൻ വ​ന​ത്തി​ന്​ അ​വ​കാ​ശ​വാ​ദം ഉ​ന്ന​യി​ച്ച ഇ​വ​ർ​ക്ക്​ ക​ഴി​ഞ്ഞി​ല്ല. 290 ഏ​ക്ക​ർ ഭൂ​മി വ​ലി​യ​കാ​വി​ൽ ഉ​ണ്ടെ​ന്ന് അ​വ​കാ​ശ​പ്പെ​ട്ടു​വ​ന്ന പ്ര​ശ​സ്ത ഗാ​ന​ര​ച​യി​താ​വി​ന്, ഏ​ഴു​മ​റ്റൂ​ർ വ​ർ​മ​മാ​രു​ടെ കു​ടും​ബ​ത്തി​ൽ​നി​ന്നാ​ണ് ത‍െൻറ ഒ​രു വ​ല്യ​മ്മ എ​ന്നു മാ​ത്ര​മാ​ണ് പ​റ​യാ​നു​ണ്ടാ​യി​രു​ന്ന​ത്. ആ​കെ അ​വ​ർ​ക്ക്​ പ​റ​യാ​നു​ള്ള​ത് തി​രു​വി​താം​കൂ​ർ രാ​ജാ​വ് ര​ണ്ട​ര നൂ​റ്റാ​ണ്ടു​മു​മ്പ്​ ചെ​മ്പോ​ല​യി​ൽ ശാ​സ​നം എ​ഴു​തി ഏ​ഴു​മ​റ്റൂ​ർ കോ​വി​ല​ക​ത്തി​നു​ന​ൽ​കി​യ ഭൂ​മി​യാ​ണ് ഇ​തെ​ന്നാ​ണ്. ആ ​പ​ട്ട​യം കോ​ട​തി​യി​ൽ ഇ​വ​ർ ഹാ​ജ​രാ​ക്കി​യി​ല്ല. പ​ക​രം അ​തി‍െൻറ ത​ർ​ജ​മ എ​ന്ന​പേ​രി​ൽ ഒ​രു ക​ട​ലാ​സ് മാ​ത്രം സ​മ​ർ​പ്പി​ച്ചു.

ഇ​വ​ർ ഹാ​ജ​രാ​ക്കി​യ മു​ഴു​വ​ൻ രേ​ഖ​ക​ളും വ്യാ​ജ​മാ​ണെ​ന്ന് 1991ൽ ​ഹൈ​കോ​ട​തി വി​ധി​ച്ചു. ഇ​തി​നെ​തി​രെ സു​പ്രീം​കോ​ട​തി​യി​ൽ പോ​യ സം​ഘം വീ​ണ്ടും കേ​സ് പു​നഃ​പ​രി​ഗ​ണി​ക്കാ​നു​ള്ള ഉ​ത്ത​ര​വ് 2003ൽ ​നേ​ടി. 2016 മേ​യ്​ 25ന്​ ​ഒ​ന്നാം പി​ണ​റാ​യി സ​ർ​ക്കാ​ർ അ​ധി​കാ​ര​ത്തി​ലെ​ത്തി.

സ​ർ​ക്കാ​ർ ഭാ​ഗം സ​മ​ർ​ഥ​മാ​യി അ​വ​ത​പ്പി​ച്ചി​രു​ന്ന സു​ശീ​ല ആ​ർ.​ഭ​ട്ടി​നെ ത​ൽ​സ്ഥാ​ന​ത്തു​നി​ന്ന്​ നീ​ക്കി. പ​ക​രം എം.​പി. പ്ര​കാ​ശി​നെ പ്ലീ​ഡ​റാ​ക്കി. 2018ൽ ​വ​നം​കേ​സി​ൽ സ​ർ​ക്കാ​ർ പ​രാ​ജ​യ​പ്പെ​ട്ടു. ഭൂ​മി​യു​ടെ ഉ​ട​മ​സ്ഥ​ത സ്വ​കാ​ര്യ വ്യ​ക്തി​ക​ൾ​ക്കാ​ണെ​ന്ന്​ കോ​ട​തി വി​ധി​ച്ചു.

എ​ന്നാ​ൽ, സ​ർ​ക്കാ​റി​ന്​ അ​നു​കൂ​ല​മാ​യ ഒ​രു അ​നു​ബ​ന്ധ വി​ധി​യും ഒ​പ്പം ഉ​ണ്ടാ​യി​രു​ന്നു. ഉ​ട​മ​സ്ഥ​ത സ്വ​കാ​ര്യ വ്യ​ക്തി​ക​ൾ​ക്കാ​ണെ​ങ്കി​ലും സ്വാ​ഭാ​വി​ക വ​നം ആ​യ​തി​നാ​ൽ 1970ലെ ​സ്വ​കാ​ര്യ​വ​നം ഏ​റ്റെ​ടു​ക്ക​ൽ നി​യ​മ​മോ 2003ലെ ​പ​രി​സ്ഥി​തി​ലോ​ല പ്ര​ദേ​ശം ഏ​റ്റെ​ടു​ക്ക​ൽ നി​യ​മ​മോ ഉ​പ​യോ​ഗി​ച്ച് ഭൂ​മി സ​ർ​ക്കാ​റി​ന് സ്വ​ന്ത​മാ​ക്കാം എ​ന്നാ​യി​രു​ന്നു അ​ത്. ഉ​ത്ത​ര​വാ​ദി​ത്ത​മു​ള്ള വ​നം​വ​കു​പ്പ് മേ​ല​ധി​കാ​രി​ക​ൾ ഉ​ട​ൻ ഭൂ​മി ഏ​റ്റെ​ടു​ക്കു​ക​യ​ല്ലേ വേ​ണ്ടി​യി​രു​ന്ന​ത് എ​ന്നാ​ണ്​ നാ​ട്ടു​കാ​ർ ചോ​ദി​ക്കു​ന്ന​ത്.

ച​തി​ച്ച​ത്​ വ​നം​മേ​ധാ​വി ബെ​ന്നി​ച്ച​ൻ തോ​മ​സോ?

പ​ക്ഷേ, സം​ഭ​വി​ച്ച​ത്​ വീ​ണ്ടും കോ​ട​തി​യെ സ​മീ​പി​ക്ക​ലാ​യി​രു​ന്നു. ഇ​പ്പോ​ഴ​ത്തെ വ​നം മേ​ധാ​വി ബെ​ന്നി​ച്ച​ൻ തോ​മ​സാ​യി​രു​ന്നു അ​തി​ന്​ പി​​ന്നി​ലെ​ന്നാ​ണ്​ സ​മ​ര​സ​മി​തി​യു​ടെ ആ​രോ​പ​ണം. വീ​ണ്ടും പു​നഃ​പ​രി​ശോ​ധ​ന ഹ​ര​ജി ന​ൽ​കി​യ​ത്​ ഇ​ദ്ദേ​ഹ​ത്തി‍െൻറ താ​ൽ​പ​ര്യ​പ്ര​കാ​ര​മാ​യി​രു​ന്ന​ത്രെ. ഇ​ത്‌ വ​നം മാ​ഫി​യ​യെ സ​ഹാ​യി​ക്കു​ന്ന ന​ട​പ​ടി​യാ​യി. പെ​രു​മ്പെ​ട്ടി, ആ​ല​പ്ര മേ​ഖ​ല​യി​ൽ വ​നം കൈ​യേ​റി​യ കു​റെ മ​നു​ഷ്യ​രു​ണ്ടെ​ന്നും അ​വ​ർ​ക്ക്​ പ​ട്ട​യം ന​ൽ​ക​ണ​മെ​ങ്കി​ൽ കേ​സ് ന​ട​ത്തി ഭൂ​മി​യു​ടെ ഉ​ട​മ​സ്ഥ​ത നേ​ടാ​മെ​ന്നു​മാ​ണ് അ​ദ്ദേ​ഹം വാ​ദി​ച്ച​ത്. അ​ന്ന്​ ബെ​ന്നി​ച്ച​ൻ തോ​മ​സ്​ വ​നം മാ​നേ​ജ്​​മെ​ന്‍റ്​ വി​ഭാ​ഗം പ്രി​ൻ​സി​പ്പ​ൽ ക​ൺ​സ​ർ​വേ​റ്റ​ർ ആ​യി​രു​ന്നു.

ഹൈ​കോ​ട​തി​യു​ടെ പു​നഃ​പ​രി​ശോ​ധ​ന​യി​ൽ സ​ർ​ക്കാ​റി​ന് വീ​ണ്ടും പ​രാ​ജ​യം സം​ഭ​വി​ച്ചു. ഇ​പ്പോ​ൾ കേ​സ് വീ​ണ്ടും സു​പ്രീം കോ​ട​തി​യി​ലാ​ണ്. സ​ർ​ക്കാ​റി​ന്​ അ​നു​കൂ​ല​മാ​യി ഉ​പ​യോ​ഗി​ക്കാ​വു​ന്ന 2018 വി​ധി മ​ര​വി​പ്പി​ക്ക​പ്പെ​ട്ടു. നാ​ട്ടു​കാ​രു​ടെ​യും സ​മ​ര​ക്കാ​രു​ടെ​യും വാ​ദ​മു​ഖ​ങ്ങ​ൾ അം​ഗീ​ക​രി​ക്കാ​തെ ഉ​ദ്യോ​ഗ​സ്ഥ​രു​ടെ ഇം​ഗി​തം അ​നു​സ​രി​ച്ച്​ വീ​ണ്ടും കോ​ട​തി​ക​യ​റാ​ൻ വ​ഴി​യൊ​രു​ക്കി​യ ഒ​ന്നാം പി​ണ​റാ​യി സ​ർ​ക്കാ​ർ ത​ങ്ങ​ളെ വ​ഞ്ചി​ച്ചെ​ന്ന്​ നാ​ട്ടു​കാ​ർ പ​റ​യു​ന്നു. 1970ലെ ​നി​യ​മ​പ്ര​കാ​രം ഭൂ​മി ഏ​റ്റെ​ടു​ത്താ​ൽ ക​ർ​ഷ​ക​ർ​ക്ക് ഭൂ​മി പ​തി​ച്ചു​ന​ൽ​കാ​ൻ അ​തി​ൽ വ്യ​വ​സ്ഥ​യു​ണ്ടാ​യി​രു​ന്നു. അ​ങ്ങ​നെ ഭൂ​മി നാ​ട്ടു​കാ​ർ​ക്ക്​ സ്വ​ന്ത​മാ​കു​മാ​യി​രു​ന്നു.

വീ​ണ്ടും പു​നഃ​പ​രി​ശോ​ധ​ന ഹ​ര​ജി ന​ൽ​കാ​ൻ ബെ​ന്നി​ച്ച​ൻ തോ​മ​സ്​ എ​ടു​ത്ത തീ​രു​മാ​ന​ത്തി​ന്​ പി​ന്നി​ലെ കാ​ര്യ​ങ്ങ​ൾ അ​ന്വേ​ഷി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ സ​മ​ര​സ​മി​തി നേ​താ​വ്​ സ​ന്തോ​ഷ്​ പെ​രു​മ്പെ​ട്ടി വ​നം വി​ജി​ല​ൻ​സി​ന്​ പ​രാ​തി ന​ൽ​കി​യി​ട്ടു​ണ്ട്. അ​തി​ൽ വ്യാ​ഴാ​ഴ്ച തെ​ളി​വെ​ടു​പ്പ്​ ന​ട​ക്കും.