ഭൂമി തരംമാറ്റൽ; പാരിസ്ഥിതിക പ്രശ്​നങ്ങളിലേക്ക് നയിക്കുമെന്ന്​ ആക്ഷേപം

കോ​ട്ട​യം: ഭൂ​മി ത​രം​മാ​റ്റ​ത്തി​നു​ള്ള അ​പേ​ക്ഷ​യി​ൽ തീ​രു​മാ​നം എ​ടു​ക്കു​ന്ന​തി​ന് ക​ർ​ഷ​ക​ർ ഉ​ൾ​പ്പെ​ടു​ന്ന നി​രീ​ക്ഷ​ണ സ​മി​തി​യു​ടെ ശി​പാ​ർ​ശ ആ​വ​ശ്യ​മി​​ല്ലെ​ന്ന റ​വ​ന്യൂ വ​കു​പ്പ് അ​ഡീ​ഷ​നൽ സെ​ക്ര​ട്ട​റി​യു​ടെ സ​ർ​ക്കു​ല​റി​നെ​തി​​രെ പ്ര​തി​ഷേ​ധ​വു​മാ​യി ക​ർ​ഷ​ക​ർ. ടൂ​റി​സ​ത്തി​ന്‍റെ പേ​രി​ൽ വ്യാ​പ​ക ത​രം​മാ​റ്റ​ൽ ന​ട​ക്കു​ന്ന ജി​ല്ല​യി​ൽ പു​തി​യ നി​ർ​ദേ​ശം വ​ലി​യ പാ​രി​സ്ഥി​തി​ക പ്ര​ശ്​​ന​ങ്ങ​ൾ സൃ​ഷ്​​ടി​ക്കു​മെ​ന്നാ​ണ്​ ക​ർ​ഷ​ക​രു​ടെ ആ​ശ​ങ്ക. ഭൂ​മി ത​രം മാ​റ്റു​ന്ന​തി​ന്​ അ​പേ​ക്ഷ ന​ൽ​കി​യാ​ൽ കൃ​ഷി ഓ​ഫി​സി​ലേ​ക്കാ​ണ്​ ആ​ദ്യം എ​ത്തു​ക. കൃ​ഷി ഓ​ഫി​സ​ർ ഇ​ത്​ നി​രീ​ക്ഷ​ണ​സ​മി​തി​യു​ടെ മു​ന്നി​ൽ​​വെ​ക്കും. സ​മി​തി സ്ഥ​ലം സ​ന്ദ​ർ​ശി​ച്ച്​ ന​ൽ​കു​ന്ന ശി​പാ​ർ​ശ​യു​ടെ അ​ടി​സ്ഥാ​ന​ത്തി​ലാ​ണ്​ ഭൂ​മി ത​രം​മാ​റ്റി ന​ൽ​ക​ണ​മോ വേ​ണ്ട​യോ എ​ന്ന്​ തീ​രു​മാ​നി​ക്കു​ന്ന​ത്.

ഭൂ​മി രൂ​പ​മാ​റ്റം വ​രു​ത്തു​മ്പോ​ൾ സ​മീ​പ ഭൂ​മി​യി​ലു​ള്ള​വ​രെ ബാ​ധി​ക്ക​രു​തെ​ന്ന​താ​ണ്​ ഇ​ത്ത​ര​ത്തി​ൽ പ്രാ​ദേ​ശി​ക നി​രീ​ക്ഷ​ണ​സ​മി​തി​ക​ളെ നി​​യോ​ഗി​ക്കു​ന്ന​തി​ന്‍റെ ല​ക്ഷ്യം. സ്വാ​ഭാ​വി​ക​മാ​യി ത​രം​മാ​റ്റ​ലി​ന്​ അ​പേ​ക്ഷ ന​ൽ​കി​യാ​ൽ അ​ക്കാ​ര്യം ത​ദ്ദേ​ശ​സ്​​ഥാ​പ​നം അ​ട​ക്കം നാ​ട്ടി​ലു​ള്ള​വ​ർ അ​റി​യും. സു​താ​ര്യ​മാ​യി ന​ട​പ​ടി​ക്ര​മ​ങ്ങ​ൾ മു​ന്നോ​ട്ടു​നീ​ങ്ങാ​നു​ള്ള ഈ ​സാ​ഹ​ച​ര്യ​മാ​ണ്​ പു​തി​യ സ​ർ​ക്കു​ല​ർ ഇ​ല്ലാ​താ​ക്കി​യ​ത്. അ​പ്പ​ർ കു​ട്ട​നാ​ട്ടി​ൽ സ​മി​തി ശി​പാ​ർ​ശ​ ചെ​യ്യാ​ത്ത ഭൂ​മി വ്യാ​പ​ക​മാ​യി ത​രം​മാ​റ്റി​യ​താ​യി ആ​ക്ഷേ​പ​മു​ണ്ട്. ഇ​ത്ത​ര​ത്തി​ൽ നി​ര​വ​ധി പ​രാ​തി​ക​ൾ നി​ല​നി​ൽ​ക്കെ​യാ​ണ്​ സ​മി​തി​ക​ളു​​ടെ ഇ​ട​പെ​ട​ൽ ഒ​ഴി​വാ​ക്കു​ന്ന​ത്.

പു​തി​യ സ​ർ​ക്കു​ല​ർ പ്ര​കാ​രം ഭൂ​മി ത​രം​മാ​റ്റ​ൽ, ഉ​ദ്യോ​ഗ​സ്​​ഥ​രു​ടെ നി​യ​ന്ത്ര​ണ​ത്തി​ലേ​ക്കു മാ​റ്റി​യ​തോ​ടെ ന​ട​പ​ടി​ക്ര​മ​ങ്ങ​ൾ ര​ഹ​സ്യ​സ്വ​ഭാ​വ​ത്തി​ലേ​ക്കു മാ​റി. അ​പ്പ​ർ കു​ട്ട​നാ​ട്ടി​ൽ ടൂ​റി​സ​ത്തി​ന്‍റെ പേ​രി​ൽ വ​ൻ​കി​ട​ക്കാ​ർ വ​ലി​യ തോ​തി​ൽ ഭൂ​മി വാ​ങ്ങി​ക്കൂ​ട്ടി​യി​ട്ടു​ണ്ട്. സ​ർ​ക്കു​ല​റി​ന്‍റെ മ​റ​വി​ൽ ഈ ​ഭൂ​മി ത​രം​മാ​റ്റ​പ്പെ​ടും. ഇ​തി​ന്‍റെ ഭാ​ഗ​മാ​യാ​ണ്​ ഭൂ​മി ത​രം​മാ​റ്റി ന​ൽ​കാ​ൻ സ​ഹാ​യി​ക്കും എ​ന്ന രീ​തി​യി​ൽ വ്യാ​പ​ക​മാ​യി പോ​സ്റ്റ​റു​ക​ൾ പ്ര​ത്യ​ക്ഷ​പ്പെ​ട്ട​ത്​ പു​തി​യ നി​ർ​ദേ​ശം വ​ൻ​കി​ട​ക്കാ​രെ​യാ​ണ്​ സ​ഹാ​യി​ക്കു​ക. വീ​ടു​വെ​ക്കാ​ൻ ​അ​പേ​ക്ഷ ന​ൽ​കി​യ സാ​ധാ​ര​ണ​ക്കാ​ര​ൻ അ​വ​ഗ​ണി​ക്ക​പ്പെ​ടും. റ​വ​ന്യ വ​കു​പ്പി​ന്‍റെ ഒ​ത്താ​ശ​യോ​ടെ​യാ​ണ്​ ഇ​തെ​ല്ലാം ന​ട​ക്കു​ന്ന​തെ​ന്നും ക​ർ​ഷ​ക​ർ ആ​രോ​പി​ക്കു​ന്നു.

സ​ർ​ക്കു​ല​ർ പി​ൻ​വ​ലി​ച്ചി​ല്ലെ​ങ്കി​ൽ നി​യ​മ ന​ട​പ​ടി

കോ​ട്ട​യം: ഭൂ​മി ത​രം മാ​റ്റ​ത്തി​നു​ള്ള അ​പേ​ക്ഷ​യി​ൽ തീ​രു​മാ​നം എ​ടു​ക്കു​ന്ന​തി​ന് ക​ർ​ഷ​ക​ർ ഉ​ൾ​പ്പെ​ടു​ന്ന നി​രീ​ക്ഷ​ണ സ​മി​തി​യു​ടെ ശി​പാ​ർ​ശ ആ​വ​ശ്യ​മി​ല്ലെ​ന്ന റ​വ​ന്യൂ വ​കു​പ്പ് അ​ഡീ​ഷ​നൽ സെ​ക്ര​ട്ട​റി​യു​ടെ സ​ർ​ക്കു​ല​ർ കേ​ര​ള​ത്തി​ലെ ക​ർ​ഷ​ക​രോ​ടു​ള്ള അ​വ​ഗ​ണ​ന​യെ​ന്ന് ക​ർ​ഷ​ക കോ​ൺ​ഗ്ര​സ്‌ ജി​ല്ല ജ​ന​റ​ൽ സെ​ക്ര​ട്ട​റി എ​ബി ഐ​പ്പ്. നി​രീ​ക്ഷ​ണ സ​മി​തി ശി​പാ​ർ​ശ ചെ​യ്യാ​ത്ത നി​ര​വ​ധി ത​ണ്ണീ​ർ​ത്ത​ട​ങ്ങ​ൾ റ​വ​ന്യൂ വ​കു​പ്പ് ത​രം മാ​റ്റാ​ൻ അ​നു​മ​തി ന​ൽ​കി​യി​ട്ടു​ണ്ട്. ക​ടു​ത്ത പാ​രി​സ്ഥി​തി​ക പ്ര​ശ്​​ന​ങ്ങ​ൾ​ക്ക്​ വ​ഴി​വെ​ക്കു​ന്ന വി​ഷ​യ​ത്തി​ൽ റ​വ​ന്യൂ വ​കു​പ്പ് മ​ന്ത്രി തു​ട​രു​ന്ന നി​സ്സം​ഗ​ത പ്ര​തി​ഷേ​ധാ​ർ​ഹ​മാ​ണ്. സ​ർ​ക്കു​ല​ർ പി​ൻ​വ​ലി​ച്ചി​ല്ലെ​ങ്കി​ൽ നി​യ​മ ന​ട​പ​ടി​ക​ളു​മാ​യി മു​ന്നോ​ട്ടു പോ​കു​മെ​ന്നും എ​ബി ഐ​പ്പ് പ​റ​ഞ്ഞു.