ഏന്തയാർ ഈസ്റ്റിൽ പാ​ലം നി​ർ​മി​ക്കാ​ൻ ഹൈ​കോ​ട​തി ഉ​ത്ത​ര​വ്

ഏ​ന്ത​യാ​ർ ഈ​സ്റ്റ്: ഏ​ന്ത​യാ​ർ ഈ​സ്റ്റി​ൽ പാ​ലം നി​ർ​മി​ക്കാ​ൻ ഹൈ​കോ​ട​തി ഉ​ത്ത​ര​വ്. 2021 ഒ​ക്ടോ​ബ​ർ 16നു​ണ്ടാ​യ പ്ര​ള​യ​ത്തി​ൽ ത​ക​ർ​ന്ന ഏ​ന്ത​യാ​ർ ഈ​സ്റ്റ് പാ​ലം പു​ന​ർ​നി​ർ​മി​ക്കാ​നാ​ണ്​ കോ​ട​തി ഉ​ത്ത​ര​വ്. കോ​ട്ട​യം-ഇ​ടു​ക്കി ജി​ല്ല​ക​ളു​ടെ അ​തി​ർ​ത്തി​യി​ൽ കൊ​ക്ക​യാ​ർ-കൂ​ട്ടി​ക്ക​ൽ പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന​താ​ണ് ഏ​ന്ത​യാ​ർ ഈ​സ്റ്റ് പാ​ലം.

പാ​ലം ത​ക​ർ​ന്ന​തോ​ടെ ഏ​ന്ത​യാ​ർ ഈ​സ്റ്റ്, ക​ന​ക​പു​രം, വ​ട​ക്കേ​മ​ല, തൂ​ങ്ങാ​മു​ടി മേ​ഖ​ല​യി​ലെ നൂ​റു​ക​ണ​ക്കി​ന് കു​ടും​ബ​ങ്ങ​ൾ ഒ​റ്റ​പ്പെ​ട്ട അ​വ​സ്ഥ​യി​ലാ​യി​രു​ന്നു. പാ​ലം ഉ​ട​ൻ പു​ന​ർ​നി​ർ​മി​ക്കു​മെ​ന്ന് മ​ന്ത്രി​മാ​ർ അ​ട​ക്ക​മു​ള്ള​വ​ർ പ്ര​ഖ്യാ​പി​ച്ചെ​ങ്കി​ലും ന​ട​പ​ടി​യു​ണ്ടാ​യി​ല്ല. ബെ​യി​ലി പാ​ല​മെ​ന്ന ആ​വ​ശ്യ​വും സ​ർ​ക്കാ​ർ ചെ​വി​ക്കൊ​ണ്ടി​ല്ല. പി​ന്നീ​ട്​ നാ​ട്ടു​കാ​ർ മൂ​ന്നു​ല​ക്ഷ​ത്തോ​ളം രൂ​പ മു​ട​ക്കി താ​ൽ​കാ​ലി​ക ന​ട​പ്പാ​ലം നി​ർ​മി​ച്ചെ​ങ്കി​ലും ദു​രി​തം പൂ​ർ​ണ​മാ​യി മാ​റി​യി​ല്ല.

തു​ട​ർ​ന്ന് ജ​ന​കീ​യ സ​മി​തി രൂ​പ​വ​ത്​​ക​രി​ച്ച് പ്ര​ക്ഷോ​ഭ​വും ആ​രം​ഭി​ച്ചു. പ്ര​ള​യ​ത്തി​ന്റെ ഒ​ന്നാം വാ​ർ​ഷി​ക​ത്തി​ൽ ജ​ന​കീ​യ സ​മ​ര​സ​മി​തി നേ​തൃ​ത്വ​ത്തി​ൽ ശ​ക്ത​മാ​യ പ്ര​തി​ഷേ​ധ പ​രി​പാ​ടി​ക​ൾ ആ​വി​ഷ്ക​രി​ച്ചെ​ങ്കി​ലും രാ​ഷ്ട്രീ​യ ഇ​ട​പെ​ട​ലി​ലൂ​ടെ ഇ​തും ഒ​ഴി​വാ​ക്കി. അ​നു​വ​ദി​ച്ച തു​ക സ​മ​ര​ക്കാ​ർ​മൂ​ലം ന​ഷ്ട​മാ​ക്ക​രു​തെ​ന്ന നോ​ട്ടീ​സ് പ്ര​ചാ​ര​ണം ന​ട​ത്താ​നും ഒ​രു​വി​ഭാ​ഗം ത​യാ​റാ​യി.പ്ര​ള​യം ക​ഴി​ഞ്ഞു ര​ണ്ട്​ ബ​ജ​റ്റ്​ ക​ഴി​ഞ്ഞി​ട്ടും അ​ധി​കാ​രി​ക​ൾ വാ​ക്കു​പാ​ലി​ക്കാ​തെ വ​ന്ന​തോ​ടെ​യാ​ണ്​ ജ​ന​കീ​യ സ​മി​തി ഹൈ​കോ​ട​തി​യെ സ​മീ​പി​ച്ച​ത്.

ജ​ന​കീ​യ കൂ​ട്ടാ​യ്മ ക​ൺ​വീ​ന​ർ കെ.​കെ. ക​രു​ണാ​ക​ര​ൻ, വ​ർ​ക്കി ചാ​ക്കോ വ​യ​ലി​ൽ, സെ​ന്റ് ജൂ​ഡ് പ​ള്ളി വി​കാ​രി ഫാ. ​ജി​നോ വാ​ഴ​യി​ൽ, എ​സ്.​എ​ൻ.​ഡി.​പി യോ​ഗം ശാ​ഖ സെ​ക്ര​ട്ട​റി കെ.​കെ. സാ​ജു, വാ​ർ​ഡ് മെം​ബ​ർ പി.​വി. വി​ശ്വ​നാ​ഥ​ൻ എ​ന്നി​വ​ർ സ​മ​ർ​പ്പി​ച്ച ഹ​ര​ജി​യി​ലാ​ണ് വി​ധി. അ​ടി​യ​ന്ത​ര​മാ​യി പാ​ലം നി​ർ​മി​ക്കാ​ൻ ന​ട​പ​ടി സ്വീ​ക​രി​ക്കാ​ൻ ഹൈ​കോ​ട​തി സ​ർ​ക്കാ​റി​ന് നി​ർ​ദേ​ശം ന​ൽ​കി.